ഐപിഎൽ ടീം ലഖ്നൗ സൂപ്പർ ജയന്റ്സിന്റെ ക്യാപ്റ്റൻ സ്ഥാനമൊഴിഞ്ഞ് ഋഷഭ് പന്ത്. മോശം പ്രകടനത്തിന് പിന്നാലെയാണ് തീരുമാനം. കഴിഞ്ഞ രണ്ട് സീസണുകളിൽ 28 മത്സരങ്ങളിലായി വെറും 10 എണ്ണത്തിലാണ് LSG ക്ക് ജയിക്കാനായത്. ഐപിഎല് സീസണിലെ തങ്ങളുടെ അവസാന മത്സരത്തിന് മുന്നോടിയായി ആരാധകരോട് പരസ്യമായി ക്ഷമ ചോദിച്ച് പന്ത് രംഗത്തെത്തിയിരുന്നു.
ഉത്തര്പ്രദേശിന്റെ വിവിധ ഭാഗങ്ങളില് നിന്ന് വലിയ പിന്തുണ നല്കിയ ആരാധകര്ക്ക് നന്ദി പറഞ്ഞ താരം, അടുത്ത സീസണില് കൂടുതല് ശക്തമായി തിരിച്ചുവരുമെന്ന് ഉറപ്പുനല്കി. പന്തിന്റെ വാക്കുകള്… ”ഞങ്ങളെ സംബന്ധിച്ചിടത്തോളം ഇതൊരു പ്രയാസകരമായ സീസണായിരുന്നുവെന്ന് എല്ലാവര്ക്കും അറിയാം.ടീം എന്ന നിലയിലും വ്യക്തിഗതമായും ഒരുപാട് കാര്യങ്ങള് പഠിക്കാന് ഈ സീസണ് സഹായിച്ചു. ഞങ്ങളുടെ ആരാധകരോട് ക്ഷമ ചോദിക്കുന്നു. ഉത്തര് പ്രദേശിന്റെ വിവിധ ഭാഗങ്ങളില് നിന്ന് വലിയ തോതിലാണ് അവര് ഞങ്ങളെ പിന്തുണയ്ക്കാന് എത്തിയത്. ഞങ്ങള് ശക്തമായി തിരിച്ചുവരും, അതിനായി 100 ശതമാനവും പരിശ്രമിക്കും.” പന്ത് പറഞ്ഞു.
ലഖ്നൗവിനെ സംബന്ധിച്ചിടത്തോളം വലിയ ആശയക്കുഴപ്പങ്ങള് നിറഞ്ഞ സീസണായിരുന്നു. ടീമിനുള്ളില് തീരുമാനങ്ങള് എടുക്കുന്നതില് അമിതമായ ഇടപെടലുകള് നടക്കുന്നുണ്ടെന്ന സൂചന പന്ത് പലപ്പോഴും നല്കിയിരുന്നു. ക്യാപ്റ്റന് എന്ന നിലയില് പന്തും വിമര്ശനങ്ങള് നേരിട്ടു. സ്പിന്നര്മാരെ ഉപയോഗിക്കുന്നതില് വരുത്തിയ പിഴവുകളും കൃത്യമല്ലാത്ത ബൗളിംഗ് മാറ്റങ്ങളും പല മത്സരങ്ങളും ലഖ്നൗവിന്റെ കൈവിട്ടുപോകാന് കാരണമായി.മിച്ചല് മാര്ഷും എയ്ഡന് മര്ക്രമും ചേര്ന്ന മികച്ച ഓപ്പണിംഗ് ജോഡിയെ മാറ്റിയതും, പന്തിന് കൃത്യമായ ബാറ്റിംഗ് പൊസിഷന് നല്കാത്തതും ടീമിന്റെ ബാലന്സിനെ ബാധിച്ചു
