കനത്ത മഴ: 12 ജില്ലകളിലെ വിദ്യാഭ്യാസ സ്ഥാപനങ്ങള്ക്ക് ഇന്ന് അവധി
കനത്ത മഴയുടെ പശ്ചാത്തലത്തില് 12 ജില്ലകളില് ഇന്ന് വിദ്യാഭ്യാസ സ്ഥാപനങ്ങള്ക്ക് അവധി. കാസര്ഗോഡ്, കണ്ണൂര്, വയനാട്, കോഴിക്കോട്, മലപ്പുറം, പാലക്കാട്, തൃശൂര്, എറണാകുളം, ഇടുക്കി, കോട്ടയം, പത്തനംതിട്ട,ആലപ്പുഴ ജില്ലകളിലെ മുഴുവന് വിദ്യാഭ്യാസ സ്ഥാപനങ്ങള്ക്കും അവധിയാണ്. മുന്കൂട്ടി നിശ്ചയിച്ച പൊതു പരീക്ഷകള്ക്കും സര്വകലാശാലാ പരീക്ഷകള്ക്കും മാറ്റമില്ല. ട്യൂഷന് സെന്ററുകള്ക്കും മതപഠന സ്ഥാപനങ്ങള്ക്കും ഉള്പ്പെടെ അവധി ബാധകമായിരിക്കും.
ഇന്നും സംസ്ഥാനത്ത് ശക്തമായ മഴ തുടരാനാണ് സാധ്യത. എല്ലാ ജില്ലകളിലും ഇന്ന് യെല്ലോ അലേര്ട്ടാണ്. തെക്കന് ഗുജറാത്ത് തീരം മുതല് വടക്കന് കേരള തീരം വരെയുള്ള തീരദേശ ന്യൂനമര്ദ്ദപ്പാത്തിയുടെ സ്വാധീനമാണ് മഴയുടെ ശക്തി വര്ദ്ധിക്കാനുള്ള കാരണം. വരും ദിവസങ്ങളില് മഴയുടെ ശക്തി കുറയാനാണ് സാധ്യത. സംസ്ഥാനത്തെ പല ഡാമുകളിലും ജലനിരപ്പ് അതിന്റെ പരമാവധി അളവിലാണ്.
നാളെ ഒരു ജില്ലയിലും നിലവില് മഴമുന്നറിപ്പില്ല. മഴ തുടര്ച്ചയായി പെയ്യുകയാണെങ്കില് നദികള് കരകവിഞ്ഞൊഴുകുന്ന സാഹചര്യവും തള്ളിക്കളയാന് കഴിയില്ല. കേരള-കര്ണാടക-ലക്ഷദ്വീപ് തീരങ്ങളില് മീന്പിടിത്തത്തിനും വിലക്കേര്പ്പെടുത്തി.നേരെത്തെ ഉണ്ടായിരുന്ന അതിതീവ്ര മഴയ്ക്കുള്ള റെഡ് അലര്ട്ടും, ഓറഞ്ച് അലര്ട്ടും പിന്വലിച്ചിട്ടുണ്ട്. വരും ദിവസങ്ങളില് മഴയുടെ ശക്തി കുറയാനാണ് സാധ്യത. നാളെ ഒരു ജില്ലയിലും മഴമുന്നറിപ്പ് പ്രഖ്യാപിച്ചിട്ടില്ല
