അടിമാലി: അടിമാലി കൂമ്പന്‍പാറ മോര്‍ ഗീവര്‍ഗ്ഗീസ് സഹദ യാക്കോബായ പള്ളിയില്‍ 29-ാം മത് നിനുവെ കണ്‍വന്‍ഷന് തുടക്കമായി. ഇന്നലെയായിരുന്നു കണ്‍വന്‍ഷന് തുടക്കം കുറിച്ചത്. ഹൈറേഞ്ച് മേഖലാ മെത്രാപ്പോലീത്ത ഡോ. ഏലിയാസ് മാര്‍ അത്താനാസിയോസ് കൺവൻഷൻ ഉദ്ഘാടനം ചെയ്തു.
രാവിലെ 9 മുതല്‍ വൈകിട്ട് മൂന്ന് മണി വരെയാണ് കണ്‍വന്‍ഷൻ സംഘടിപ്പിച്ചിരിക്കുന്നത്. കണ്‍വന്‍ഷന്റെ ഓരോ ദിവസങ്ങളിലും വിവിധ പുരോഹിതര്‍ പങ്കെടുക്കും. നാളെ കൺവൻഷന് സമാപനം കുറിക്കും.
