ഈ വർഷം ശബരിമല മണ്ഡല-മകരവിളക്ക് തീർത്ഥാടനത്തിന്റെ സുഗമമായ നടത്തിപ്പിനായുള്ള മുന്നൊരുക്കത്തിൻ്റെ ഭാഗമായി, മികച്ച പോലീസ് സേവനങ്ങൾ നടപ്പിലാക്കുന്നതിനായി വണ്ടിപ്പെരിയാർ പോലീസ് സ്റ്റേഷനിൽ ചേർന്ന യോഗത്തിന്റെ ഉദ്ഘാടനം ഇടുക്കി ജില്ലാ പോലീസ് മേധാവി ശ്രീ. കെ.എം സാബു മാത്യു ഐ.പി.എസ് നിർവഹിച്ചു. അയ്യപ്പ ഭക്തൻമാർക്ക് സുഗമമായ തീർത്ഥാടനം നടത്തുന്നതിന് ആവശ്യമായ ക്രമീകരണങ്ങൾ ഒരുക്കിയിട്ടുള്ളതും ആയതിന് പോലീസ് ഉദ്യോഗസ്ഥർക്ക് ആവശ്യമായ നിർദ്ദേശങ്ങൾ നൽകിയിട്ടുള്ളതുമാണ്. പോലീസ് ഉദ്യോഗസ്ഥർക്കായുള്ള ശബരിമല – പുല്ലുമേട് മെസ്സിന്റെ ഉദ്ഘാടനം പീരുമേട് ഡെപ്യൂട്ടി പോലീസ് സൂപ്രണ്ട് ശ്രീ. വിശാൽ ജോൺസൺ നിർവ്വഹിച്ചു.
