അടിമാലി: മാങ്കുളം ആനക്കുളം റോഡിൽ അപകടങ്ങൾ തുടർക്കഥയായ പേമരം വളവിൽ വീണ്ടും വാഹനാപകടം. വിനോദ സഞ്ചാരികൾ സഞ്ചരിച്ച കാർ നിയന്ത്രണം നഷ്ടപ്പെട്ടാണ് അപകടം സംഭവിച്ചത്. വൈകുന്നേരം ആറ് മണിയോടെയായിരുന്നു അപകടം ഉണ്ടായത്.ഏതാനും ദിവസങ്ങൾക്ക് മുമ്പ് നാല് പേരുടെ മരണത്തിനിടയാക്കിയ ട്രാവലർ അപകടം നടന്ന അതേ സ്ഥലത്താണ് വീണ്ടും അപകടം ഉണ്ടായത്.ഇറക്കമിറങ്ങി വരുന്നതിനിടയിൽ നിയന്ത്രണം നഷ്ടപ്പെട്ട കാർ തലനാരിഴക്കാണ് കൊക്കയിൽ പതിക്കാതെ രക്ഷപ്പെട്ടത്. ആർക്കും പരിക്കുകൾ ഇല്ല.
