വൈസ്മെൻ ഇന്റർനാഷണൽ ഡിസ്ട്രിക്റ്റ് കൺവെൻഷനും ജീവകാരുണ്യ പദ്ധതികളുടെ ഉദ്ഘാടനവും നടന്നു.

അടിമാലി: വൈസ്മെൻ ഇന്റർനാഷണൽ ഡിസ്ട്രിക്റ്റ് കൺവെൻഷനും ജീവകാരുണ്യ പദ്ധതികളുടെ ഉദ്ഘാടനവും നടന്നു. മിഡ് വെസ്റ്റ് ഇൻഡ്യാ റീജിയണിൽ ഉൾപ്പെട്ട സോൺ മൂന്നിലുള്ള ഡിസ്ട്രിക്റ്റ് ഏഴിൻ്റെ വാർഷിക സമ്മേളനമാണ് അടിമാലി ക്ലബ്ബ് ഓഡിറ്റോറിയത്തിൽ നടന്നത്. വാദ്യമേളങ്ങളുടെ അകമ്പടിയോടെ വർഗീസ് പീറ്റർ കാക്കനാട്ട് ഡിസ്ട്രിക്റ്റ് ഗവർണർ ആയുള്ള ടീമിൻ്റെ സ്ഥാനാരോഹണവും നടന്നു.

അടിമാലി ക്ലബ്ബ് ഓഡിറ്റോറിയത്തിൽ നടന്ന കൺവെൻഷൻ റീജിയണൽ ഡയറക്ടർ സുനിൽ ജോൺ ഉദ്ഘാടനം ചെയ്തു. പുതിയ ഡിസ്ട്രിക്റ്റ് ഗവർണ്ണർ വർഗീസ് പീറ്ററിൻ്റെ നേത്യത്വത്തിലുള്ള ടീമിന്റെ സ്ഥാനാരോഹണ ചടങ്ങുകൾക്ക് നിയുക്ത റീജിയണൽ ഡയറക്ടർ ഡോ. സാജു എം കറുത്തേടം നേതൃത്വം നൽകി. ഡിസ്ട്രിക്റ്റ് ഗവർണ്ണറായിരുന്ന ലൈജു ഫിലിപ്പ് അധ്യക്ഷത വഹിച്ചു. നിയുക്ത നാഷണൽ പ്രസിഡൻ്റ് അഡ്വ. ബാബു ജോർജ് മുഖ്യ പ്രഭാഷണം നടത്തി.

ഇടുക്കി, എറണാകുളം ജില്ലകളിലും വിദേശ രാജ്യങ്ങളിലുമായി വ്യാപിച്ചു കിടക്കുന്ന 33 ക്ലബ്ബുകൾ അടങ്ങുന്ന ഡിസ്ട്രിക്റ്റിൻ്റെ ഒരു വർഷം നീളുന്ന രണ്ടര കോടിയോളം രൂപയുടെ വിവിധ സേവന പദ്ധതികളുടെ ഉദ്ഘാടനവും സമ്മേളനത്തിൽ നടന്നു.
ഡിസ്ട്രിക്റ്റ് ഗവർണ്ണറായി
വർഗീസ് പീറ്റർ കാക്കനാട്ട്, സെക്രട്ടറി ജോൺസൻ തോമസ്, ട്രഷറാർ ബാബു ജോസ്, ബുള്ളറ്റിൻ എഡിറ്റർ – പി.ആർ ആൻഡ് മാർക്കറിംങ് വിഭാഗം മേധാവിയായി ഡോ. ബിജു മാന്തറക്കൽ, വെബ് മാസ്റ്ററായി സിജോ ജേക്കബ്, വൈസ് ഗൈ
റോയി സെബാസ്റ്റ്യൻ, വനിതാ വിഭാഗം കോ-ഓർഡിനേറ്ററായി
വിജി ബാബു, യൂത്ത് കോ-ഓർഡിനേറ്റർ ഷെർബോ സതീഷ്, കാബിനറ്റ് സെക്രട്ടറി രാജേഷ് വെട്ടിക്കൊമ്പിൽ, പി.ആർ.ഓ ജോർജ് എടപ്പാറ, ഡെപ്യൂട്ടി ഗവർണർമാരായി കെ.കെ ശിവദാസ്, റെജി പീറ്റർ എന്നിവരടങ്ങുന്ന ടീമിൻ്റെ സ്ഥാനാരോഹണമാണ് നടന്നത്.

എൽ.ആർ.ഡി: ടോമി ചെറുകാട്ട്,
റീജിയണൽ സെക്രട്ടറിമാരായ പ്രൊഫ. ജേക്കബ് എബ്രഹാം, ബെന്നി പോൾ, ഹോസ്‌റ്റ് കമ്മിറ്റി ചെയർമാൻ അഡ്വ. നോബിൾ മാത്യു, വി.സി ജാേൺസൻ, മിൽസൻ ജോർജ്, ബേബിച്ചൻ നിതീരിക്കൽ തുടങ്ങിയ നിരവധി നേതാക്കൾ പ്രസംഗിച്ചു. വിവിധ ക്ലബുകൾക്കായുള്ള അവാർഡുകളുടെ വിതരണവും സമ്മേളനത്തിൽ നടന്നു.
മുതിർന്ന നേതാക്കളെ ചടങ്ങിൽ ആദരിച്ചു. തുടർന്ന് കലാസന്ധ്യയും സ്നേഹവിരുന്നും നടന്നു.