അടിമാലി: അടിമാലി ശാന്തഗിരി ശ്രീമഹേശ്വര ക്ഷേത്രത്തില്‍ നടന്നു വരുന്ന അഷ്ടബന്ധ നവീകരണകലശം നാളെ സമാപിക്കും.നവീകരണ, താന്ത്രിക ക്രിയകളിലൂടെ ദേവ ചൈതന്യം വര്‍ധിപ്പിക്കുന്നതിനാണ് ദേവ പ്രശ്ന വിധി പ്രകാരവും തന്ത്രശാസ്ത്ര പ്രകാരവും ക്ഷേത്രത്തില്‍ അഷ്ടബന്ധ നവീകരണകല ക്രിയകള്‍ നടത്തുന്നത്.
ഈ മാസം 8നായിരുന്നു അടിമാലി ശാന്തഗിരി ശ്രീമഹേശ്വര ക്ഷേത്രത്തില്‍ അഷ്ടബന്ധ നവീകരണകലശത്തിന് തുടക്കം കുറിച്ചത്.അഷ്ടബന്ധ നവീകരണകലശ ക്രിയകള്‍ നാളെ സമാപിക്കുമെന്ന് ക്ഷേത്രം ഭാരവാഹികള്‍ പറഞ്ഞു.
ക്ഷേത്രം തന്ത്രി പൂത്തോട്ട ലാലന്‍ തന്ത്രികളുടെയും ക്ഷേത്രം മേല്‍ശാന്തി മഠത്തുംമുറി അജിത്ത് ശാന്തിയുടെയും കാര്‍മ്മികത്വത്തിലാണ് അഷ്ടബന്ധ നവീകരണകലശ ക്രിയകള്‍ നടക്കുന്നത്.
ബിംബ കലശ അഷ്ടബന്ധത്തോടു കൂടി കലശ ക്രിയകള്‍ സമാപിക്കും.
പന്ത്രണ്ട് വര്‍ഷത്തില്‍ ഒരിക്കല്‍ നടക്കുന്ന പൂജാ ചടങ്ങുകളാണ് അഷ്ടബന്ധ നവീകരണകലശത്തിന്റെ ഭാഗമായി ക്ഷേത്രത്തില്‍ നടന്നു വരുന്നത്. ക്ഷേത്രം ഭാരവാഹികളായ ദേവരാജന്‍ ചെമ്പോത്തിങ്കല്‍, എസ് കിഷോര്‍, ടി പി അശോകന്‍ എന്നിവരുടെ നേതൃത്വത്തിലാണ് അഷ്ടബന്ധ നവീകരണകലശ ചടങ്ങുകള്‍ നടക്കുന്നത്.
