KeralaLatest NewsLocal news
സ്‌നേഹിത ക്യാമ്പയിന്റെയും ധീരം സ്വയം പ്രതിരോധ പരിശീലന പരിപാടിയുടെയും ഉദ്ഘാടനം നടന്നു
അടിമാലി: കുടുംബശ്രീ ജില്ലാ മിഷന്‍ നടപ്പാക്കുന്ന സ്‌നേഹിത ക്യാമ്പയിന്റെയും ധീരം സ്വയം പ്രതിരോധ പരിശീലന പരിപാടിയുടെയും ഉദ്ഘാടനം അടിമാലിയില്‍ നടന്നു. സ്ത്രീകള്‍ക്കും കുട്ടികള്‍ക്കുമുള്ള ഉള്ള അഭയകേന്ദ്രമാണ് സ്‌നേഹിത. നിയമ സഹായം, മാനുഷിക പിന്തുണ പ്രചോദന ക്ലാസുകള്‍ തുടങ്ങി വിവിധ സേവനങ്ങള്‍ സ്‌നേഹിത വഴി ലഭ്യമാകും. അടിമാലി ഗ്രാമപഞ്ചായത്ത് പ്രസിഡന്റ് സൗമ്യ അനില്‍ പരിപാടിയുടെ ഉദ്ഘാടനം നിര്‍വ്വഹിച്ചു. സിഡിഎസ് ചെയര്‍പേഴ്‌സണ്‍ ജിഷാ സന്തോഷ് അധ്യക്ഷത വഹിച്ചു. ഗ്രാമപഞ്ചായത്തംഗങ്ങളായ രേഖാ രാധാ കൃഷ്ണന്‍, റൂബി സജി തുടങ്ങിയവര്‍ സംസാരിച്ചു.
