അടിമാലി: അടിമാലി ഗ്രാമപഞ്ചായത്തില്‍ ബാലസഭാ സംഗമവും കുട്ടികള്‍ക്കുള്ള കലാമത്സരങ്ങളും സംഘടിപ്പിച്ചു.ഗ്രാമപഞ്ചായത്ത് ടൗണ്‍ ഹാളിലായിരുന്നു ബാലസഭാ സംഗമവും കുട്ടികള്‍ക്കുള്ള കലാമത്സരങ്ങളും സംഘടിപ്പിച്ചത്. നിരവധി കുട്ടികള്‍ സംഗമത്തിന്റെ ഭാഗമായി.ജീരക മിഠായി എന്ന പേരിലായിരുന്നു പരിപാടി നടന്നത്. ഗ്രാമപഞ്ചായത്ത് പ്രസിഡന്റ് സൗമ്യ അനില്‍ സംഗമം ഉദ്ഘാടനം ചെയ്തു.
ഗ്രാമപഞ്ചായത്ത് ക്ഷേമകാര്യ സ്റ്റാന്‍ഡിംഗ് കമ്മിറ്റി ചെയര്‍പേഴ്‌സണ്‍ രേഖാ രാധാകൃഷ്ണന്‍ ഉദ്ഘാടന ചടങ്ങില്‍ അധ്യക്ഷത വഹിച്ചു. ഗ്രാമപഞ്ചായത്ത് വൈസ് പ്രസിഡന്റ് അനസ് ഇബ്രാഹിം മുഖ്യപ്രഭാഷണം നടത്തി. ഗ്രാമപഞ്ചായത്തംഗങ്ങള്‍, ഐ സി ഡി എസ് പ്രതിനിധികള്‍, സി ഡി എസ് ഭാരവാഹികള്‍ തുടങ്ങിയവര്‍ പങ്കെടുത്തു.
