അടിമാലി: വിവിധ ആവശ്യങ്ങള്‍ ഉന്നയിച്ച് കേരള സ്‌റ്റേറ്റ് സര്‍വ്വീസ് പെന്‍ഷനേഴ്‌സ് അസോസിയേഷന്‍ അടിമാലി ട്രഷറിക്ക് മുമ്പില്‍ പ്രതിഷേധ സംഗമം സംഘടിപ്പിച്ചു. നാല്‍പ്പത് മാസത്തെ ക്ഷാമാശ്വാസ കുടിശിഖ സര്‍ക്കാര്‍ കവര്‍ന്നെടുത്തെന്നാരോപിച്ചായിരുന്നു പ്രതിഷേധം സംഘടിപ്പിച്ചത്. അടിമാലിയില്‍ നടന്ന പ്രതിഷേധ സമരം കാണ്‍ഗ്രസ് അടിമാലി മണ്ഡലം പ്രസിഡന്റ് ഹാപ്പി കെ വര്‍ഗ്ഗീസ് ഉദ്ഘാടനം ചെയ്തു. കെ എസ് എസ് പി എ താലൂക്ക് പ്രസിഡന്റ് റോയി അധ്യക്ഷത വഹിച്ചു. റ്റി എം ജോയി, എന്‍ വി പൗലോസ്, കെ വി മാത്യു, ജില്ലാ കമ്മറ്റിയംഗങ്ങള്‍, മണ്ഡലം പ്രസിഡന്റുമാര്‍ എന്നിവര്‍ പ്രതിഷേധ സംഗമത്തില്‍ പങ്കെടുത്തു.
