KeralaLatest NewsLocal news
പള്ളിവാസലില്‍ ശുപാര്‍ശ ചെയ്തിട്ടുള്ള ടോള്‍ പ്ലാസ അവിടെ അനുവദിക്കാന്‍ പാടില്ലെന്ന നിലപാടാണ് തനിക്കുള്ളതെന്ന് അഡ്വ. ഡീന്‍ കുര്യാക്കോസ് എം പി
അടിമാലി: ദേശിയപാത 85ന്റെ നവീകരണ ജോലികള്‍ക്ക് ശേഷം പള്ളിവാസലില്‍ ശുപാര്‍ശ ചെയ്തിട്ടുള്ള ടോള്‍ പ്ലാസ അവിടെ അനുവദിക്കാന്‍ പാടില്ലെന്ന നിലപാടാണ് തനിക്കുള്ളതെന്ന് അഡ്വ. ഡീന്‍ കുര്യാക്കോസ് എം പി. ആ ശുപാര്‍ശക്ക് കാരണം ഉദ്യോഗസ്ഥ തലത്തില്‍ സംഭവിച്ചിട്ടുള്ള വീഴ്ച്ചയാണ്. നിലവില്‍ ദേവികുളത്ത് ഒരു ടോള്‍ പ്ലാസ പ്രവര്‍ത്തിക്കുന്നുണ്ട്. പള്ളിവാസലില്‍ കൂടി ഒരു ടോള്‍ പ്ലാസ വന്നാല്‍ ദേശിയപാതയില്‍ പത്ത് കിലോമീറ്ററിനുള്ളില്‍ രണ്ട് ടോള്‍ പ്ലാസ എന്ന സാഹചര്യമുണ്ടാകും. അത് ദേശിയപാത നിയമത്തിന് എതിരാണ്.ഇക്കാര്യം ദേശിയപാത ഉദ്യോഗസ്ഥരെ ബോധ്യപ്പെടുത്തിയിട്ടുണ്ടെന്നും എം പി മൂന്നാറില്‍ വ്യക്തമാക്കി.
