കേരള സ്റ്റേറ്റ് ഹയര്‍ ഗുഡ്‌സ് ഓണേഴ്‌സ് അസോസിയേഷന്റെ ജില്ലാ കമ്മിറ്റി ഓഫീസ് പ്രവര്‍ത്തനമാരംഭിച്ചു
അടിമാലി: കേരള സ്റ്റേറ്റ് ഹയര്‍ ഗുഡ്‌സ് ഓണേഴ്‌സ് അസോസിയേഷന്റെ ജില്ലാ കമ്മിറ്റി ഓഫീസ് അടിമാലിയില്‍ പ്രവര്‍ത്തനമാരംഭിച്ചു.ശബ്ദം, വെളിച്ചം, പന്തല്‍, അലങ്കാരം മേഖലയില്‍ പ്രവര്‍ത്തിക്കുന്നവരുടെ സംഘടനയാണ് കേരള സ്റ്റേറ്റ് ഹയര്‍ ഗുഡ്‌സ് ഓണേഴ്‌സ് അസോസിയേഷന്‍. അസോസിയേഷന്റെ പുതിയ ജില്ലാ കമ്മിറ്റി ഓഫീസ് അടിമാലിയില്‍ തുറന്നു.കണ്ണാട്ട് ബില്‍ഡിംഗിലാണ് ഓഫീസ് പ്രവര്‍ത്തനമാരംഭിച്ചിട്ടുള്ളത്. സംഘടനാ സംസ്ഥാന ജനറല്‍ സെക്രട്ടറി റ്റി വി ബാലന്‍ ഓഫീസിന്റെ ഉദ്ഘാടനം നിര്‍വ്വഹിച്ചു.
സംഘടനയുടെ പ്രവര്‍ത്തനം കൂടുതല്‍ ശക്തിപ്പെടുത്തുന്നതിന്റെ ഭാഗമായിട്ടാണ് ജില്ലാ കമ്മിറ്റി ഓഫീസ് തുറന്നിട്ടുള്ളത്.ഓഫീസിന്റെ ഉദ്ഘാടന ചടങ്ങില്‍ ജില്ലാ പ്രസിഡന്റ് ജോര്‍ജ്ജ് വര്‍ക്കി അധ്യക്ഷത വഹിച്ചു. സംസ്ഥാന ട്രഷറര്‍ ഷംസുദ്ദീന്‍ മലപ്പുറം മുഖ്യപ്രഭാഷണം നടത്തി.ജില്ലാ വര്‍ക്കിംഗ് പ്രസിഡന്റ് ജമാല്‍ രാജാക്കാട്, ജയന്‍ എറണാകുളം, സാന്റി മാത്യു, ജോര്‍ജ്ജ് വയനാട്, ഷാജി സ്റ്റാര്‍ അടിമാലി തുടങ്ങിയവര്‍ സംസാരിച്ചു.
