ഇടുക്കി ജില്ലാ പൊലീസിന്റെ ആഭിമുഖ്യത്തിൽ ജില്ലയിലെ വിവിധ ബാങ്കുകളുടെ സഹകരണത്തോടെ, അടിമാലി ടെക്നിക്കൽ ഹൈസ്കൂളിലെ വിദ്യാർത്ഥികൾക്കായി സാമ്പത്തിക സാക്ഷരത, സൈബർ കുറ്റകൃത്യങ്ങൾ എന്നീ വിഷയങ്ങളിൽ, ബോധവൽക്കരണ ക്ലാസ് നടത്തപ്പെട്ടു. മുരിക്കാശ്ശേരി പോലീസ് സബ് ഇൻസ്പെക്ടർ കെ ഡി മണിയൻ, കേരള ബാങ്ക് ഉദ്യോഗസ്ഥയായ ശ്രീക്കുട്ടി ഇ എസ്, യൂണിയൻ ബാങ്ക് ഉദ്യോഗസ്ഥയായ ടിൻസി പൗലോസ് എന്നിവർ ക്ലാസ് നയിച്ചു.

ഇടുക്കി ജില്ലാ പോലീസ് മേധാവിയുടെ നിർദ്ദേശപ്രകാരം ജില്ലയിലെ വിദ്യാലയങ്ങളിൽ ക്ലാസുകൾ നടത്തിവരികയാണ്. ഇത്തരം അവബോധ ക്ലാസുകള്‍ക്കായി 9497912649 എന്ന ജനമൈത്രി ജില്ലാ അസിസ്റ്റന്റ് നോഡ‍ല്‍ ഓഫീസറുടെ നമ്പരില്‍ ബന്ധപ്പെടാവുന്നതാണ്.