തിരുവനന്ദപുരം-പൂപ്പാറ പുതിയ കെഎസ്ആർടിസി സർവീസിന് ബൈസൺവാലിയിൽ സ്വീകരണം നൽകി

അടിമാലി: തിരുവനന്ദപുരത്തു നിന്നും പൂപ്പാറയിലേക്ക് പുതിയ കെ.എസ്.ആർ.ടി.സി സൂപ്പർ ഫാസ്റ്റ് സർവീസ് ആരംഭിച്ചു. സർവീസ് ആരംഭിച്ച ആദ്യ ദിനത്തിൽ ബൈസൺവാലിയിൽ സ്വീകരണം നൽകി. ബസിന്റെ ജീവനക്കാർക്ക് ബൈസൺവാലി സെന്റ് ആന്റണീസ് ടൗൺ പള്ളി വികാരി ഫാ. ജെറിൻ കുഴിയംപ്ലാവിൽ മാലയും പൂച്ചെണ്ടും നൽകി സ്വീകരിച്ചു.

രാവിലെ 3.45 ന് തിരുവനന്ദപുരത്ത് നിന്ന് പുറപ്പെട്ട് കൊട്ടാരക്കര, കോട്ടയം, മൂവാറ്റുപുഴ , കോതമംഗലം, അടിമാലി, ആനച്ചാൽ, ബൈസൺവാലി വഴി ഉച്ചയ്ക്ക് 12.15 ന് പൂപ്പാറയിൽ എത്തിചേരും. തുടർന്ന് 4 മണിക്ക് പൂപ്പാറയിൽ നിന്ന് ആരംഭിച്ച് രാത്രി 12.35 ന് തിരികെ തിരുവനന്ദപുരത്ത് എത്തിച്ചേരും. കൈക്കാരൻമാരായ ഷൈബി തെക്കേൽ, ജോയ് കോർക്കുഴിയിൽ ഇടവകയിലെ മതഅധ്യാപകർ പ്രദേശവാസികൾ തുടങ്ങിയവർ സ്വീകരണത്തിൽ പങ്കെടുത്തു.