അടിമാലി: ഇത്തവണത്തെ സി ബി എസ് ഇ ജില്ലാ കലോത്സവം അടിമാലിയില്‍ നടക്കും. അടിമാലി വിശ്വദീപ്തി പബ്ലിക് സ്‌കൂളില്‍ അടുത്തമാസം 13, 19,20 തിയതികളിലാണ് കലോത്സവം നടക്കുന്നത്. ആരവ് 2025 എന്ന പേരിലാണ് ഇത്തവണത്തെ സഹോദയ കലോത്സവം നടക്കുന്നത്. ഇടുക്കി സഹോദയക്ക് കീഴില്‍ വരുന്ന മുപ്പത്തിലധികം സ്‌കൂളുകള്‍ കലോത്സവത്തില്‍ പങ്കെടുക്കും. കലോത്സവ നടത്തിപ്പുമായി ബന്ധപ്പെട്ട ഒരുക്കങ്ങള്‍ വിശ്വദീപ്തി പബ്ലിക് സ്‌കൂളില്‍ പുരോഗമിക്കുന്നുണ്ട്.
13ന് രചനാ മത്സരങ്ങളും 19, 20 തിയതികളില്‍ സ്‌റ്റേജ് മത്സരങ്ങളും അരങ്ങേറും. കലോത്സവവുമായി ബന്ധപ്പെട്ട ലോഗോ പ്രകാശനം കഴിഞ്ഞ ദിവസം സ്‌കൂളില്‍ നടന്നു. 2023ലും സി ബി എസ് ഇ ജില്ലാ കലോത്സവത്തിന് അടിമാലിയും വിശ്വദീപ്തി പബ്ലിക് സ്‌കൂളും വേദിയായിരുന്നു
