രാജാക്കാടിന് സമീപം വീട്ടുമുറ്റത്തു നിർത്തിയിട്ടിരുന്ന ഓട്ടോറിക്ഷ അജ്ഞാതൻ തീയിട്ട് നശിപ്പിച്ചു

രാജാക്കാട്, കൊച്ചു മുല്ലക്കാനം സ്വദേശി ചൂഴികരയിൽ രാജേഷ് എന്നയാളുടെ ഓട്ടോറിക്ഷയാണ് അജ്ഞാതൻ തീയിട്ട് നശിപ്പിച്ചത്. സ്വന്തം വീട്ടിലേക്ക് വാഹനം എത്താത്തതിനാൽ സമീപവാസിയുടെ വീട്ടു മുറ്റത്താണ് ഓട്ടോറിക്ഷ ഇടുന്നത്. പതിവ് പോലെ ഇന്നലെ രാത്രി 8 മണിയോടെ ഓട്ടോറിക്ഷ നിർത്തിയിട്ട ശേഷം വീട്ടിലേക്ക് പോയി. തുടർന്ന് ഇന്ന് പുലർച്ചെ 1.30 ഓടെ ഓട്ടോ കത്തിയെന്നാണ് വീട്ടുകാർ തന്നെ അറിയിക്കുന്നത് എന്ന് രാജേഷ് പറഞ്ഞു.

ഓട്ടോറിക്ഷക്ക് തീ പിടിക്കുന്നതിനു മുമ്പ് ഈ പ്രേദേശത്തെ കറണ്ട് പോയിരുന്നു.
ഓട്ടോറിക്ഷ കത്തിയ ശേഷമാണ് കറണ്ട് വന്നത്. തുടർന്ന് തീപിടിക്കുന്ന ശബ്ദം കേട്ട് വീട്ടുകാർ നോക്കിയപ്പോൾ ഓട്ടോ കത്തി നശിച്ചിരുന്നു. സംഭവത്തിൽ രാജാക്കാട് പോലീസിൽ പരാതി നൽകിയിട്ടുണ്ട്.

9 മാസം മുമ്പ് ഇതേ സ്ഥലത്ത് വെച്ച് സമാനമായാ സംഭവം നടന്നിരുന്നുവെന്നും
അന്ന് പോലീസിൽ പരാതി നൽകിയെങ്കിലും ആളെ കണ്ടെത്താൻ കഴിഞ്ഞിട്ടില്ലന്നും വീട്ടുകാർ പറയുന്നു.