മൂന്നാര്: കാര്ഷിക ഗ്രാമമായ കാന്തല്ലൂരില് കാട്ടാന ശല്യത്താല് പൊറുതിമുട്ടുകയാണ് കര്ഷകര്. ജനവാസ മേഖലകളിലൂടെ കാട്ടാനകള് ചുറ്റിത്തിരിയുന്നതാണ് ആളുകളുടെ ഉറക്കം കെടുത്തുന്നത്. കഴിഞ്ഞ ദിവസം കാന്തല്ലൂര് പെരുമല ഗ്രാമത്തില് എത്തിയ ഒറ്റയാന് നിര്ത്തിയിട്ടിരുന്നു വാഹനവും വീടിന്റെ ഗേറ്റും തകര്ത്തു. ദിവസങ്ങള്ക്ക് മുമ്പ് കൃഷിത്തോട്ടങ്ങളില് ഇറങ്ങി നാശം വരുത്തിയ ഒറ്റയാനാണ് ഗ്രാമങ്ങള്ക്കുള്ളില് കയറിയും പരാക്രമം നടത്തിയത്.
കാന്തല്ലൂര് മേഖലയില് കഴിഞ്ഞ മൂന്ന് മാസക്കാലത്തോളമായി കാട്ടാന ശല്യം അതിരൂക്ഷമാണ്. പത്തിലധികം കാട്ടാനകളാണ് ജനവാസ മേഖലകളിലൂടെ ചുറ്റിത്തിരിയുന്നത്. കാട്ടാനകളെ തുരത്താനും സുരക്ഷ ഉറപ്പാക്കാനും ആര് ആര് ടി സംഘത്തെ നിയോഗിച്ചിട്ടുണ്ടെങ്കിലും പ്രവര്ത്തനം കാര്യക്ഷമമായി നടക്കുന്നില്ലെന്ന ആക്ഷേപം ഉണ്ട്.
കാട്ടാനശല്യം രൂക്ഷമായി തുടരുന്ന സാഹചര്യത്തില് കൃഷി ഉപേക്ഷിക്കേണ്ട അവസ്ഥയിലെന്ന് കര്ഷകര് പറയുന്നു. ആനകളെ ജനവാസ മേഖലയില് നിന്നും തുരത്താന് നടപടി ഉണ്ടായില്ലെങ്കില് ശക്തമായ പ്രതിഷേധ പരിപാടികള്ക്ക് രൂപം നല്കേണ്ടി വരുമെന്ന് പ്രദേശവാസികള് മുന്നറിയിപ്പ് നല്കുന്നു
