അടിമാലി: പാലക്കാട് എം എല്‍ എ രാഹുല്‍ മാങ്കൂട്ടം രാജി വയ്ക്കണമെന്നാവശ്യപ്പെട്ട് അടിമാലിയില്‍ ഡി വൈ എഫ് ഐയുടെ പ്രതിഷേധം. എം എല്‍ എ രാഹുല്‍ മാങ്കൂട്ടത്തിനെതിരെ ആരോപണങ്ങള്‍ ഉയര്‍ന്ന സാഹചര്യത്തിലാണ് രാഹുല്‍ മാങ്കൂട്ടം എം എല്‍ എ സ്ഥാനമൊഴിയണമെന്നാവശ്യപ്പെട്ട് ഡി വൈ എഫ് ഐ പ്രവര്‍ത്തകര്‍ അടിമാലിയിലും പ്രതിഷേധം സംഘടിപ്പിച്ചത്.
പ്രതിഷേധ സൂചകമായി ഡി വൈ എഫ് ഐ പ്രവര്‍ത്തകര്‍ അടിമാലിയില്‍ പ്രതിഷേധ പ്രകടനം നടത്തി. ഡി വൈ എഫ് ജില്ലാ ജോയിന്റ് സെക്രട്ടറി തേജസ് കെ ജോസ് പ്രതിഷേധ യോഗത്തില്‍ സംസാരിച്ചു. പ്രതിഷേധ പ്രകടനം ടൗണില്‍ സെന്റര്‍ ജംഗ്ഷനില്‍ സമാപിച്ചു.
ഡി വൈ എഫ് ഐ അടിമാലി ബ്ലോക്ക് സെക്രട്ടറി സി എസ് സുധീഷ്, മനു തോമസ്, റെക്‌സണ്‍ പൗലോസ്, നിഖില്‍ ഷാജന്‍, അലക്‌സ് വര്‍ഗ്ഗീസ് തുടങ്ങിയവര്‍ പ്രതിഷേധ പരിപാടിക്ക് നേതൃത്വം നല്‍കി. നിരവധി ഡി വൈ എഫ് ഐ പ്രവര്‍ത്തകര്‍ പ്രതിഷേധ പരിപാടിയില്‍ പങ്കെടുത്തു
