അടിമാലി: കുട്ടികളിലെ വളര്‍ച്ചാപരമായ ബുദ്ധിമുട്ടുകള്‍ നേരെത്തെ കണ്ടുപിടിക്കുന്നതിനും അനുയോജ്യമായ മാര്‍ഗ്ഗനിര്‍ദ്ദേശങ്ങള്‍ നല്‍കുന്നതിനുമായി അടിമാലിയില്‍ സൗജന്യ സ്‌ക്രീനിംഗ് ക്യാമ്പ് സംഘടിപ്പിച്ചു. അടിമാലി ഗ്രാമപഞ്ചായത്ത് ടൗണ്‍ ഹാളിലായിരുന്നു തൊടുപുഴ ശലഭം മള്‍ട്ടിഡിസ്‌പെന്‍സറി ചൈല്‍ഡ് ഡെവലപ്പ്‌മെന്റ് സെന്ററിന്റെ നേതൃത്വത്തില്‍ അടിമാലി ഗ്രാമപഞ്ചായത്തിന്റെ സഹകരണത്തോടെ് സൗജന്യ സ്‌ക്രീനിംഗ് ക്യാമ്പ് നടത്തിയത്.
ഗ്രാമപഞ്ചായത്ത് പ്രസിഡന്റ് സൗമ്യ അനില്‍ ക്യാമ്പ് ഉദ്ഘാടനം ചെയ്തു. ശലഭം മള്‍ട്ടിഡിസ്‌പെന്‍സറി ചൈല്‍ഡ് ഡെവലപ്പ്‌മെന്റ് സെന്റര്‍ ഡയറക്ടര്‍ ദിവ്യ ജി നായര്‍ ഉദ്ഘാടന ചടങ്ങില്‍ അധ്യക്ഷത വഹിച്ചു. പഞ്ചായത്ത് വൈസ് പ്രസിഡന്റ് അനസ് ഇബ്രാഹിം, ഐ സി ഡി എസ് സൂപ്പര്‍വൈസര്‍ സീനത്ത് എന്നിവര്‍ സംസാരിച്ചു. സ്പീച്ച് തെറാപ്പിസ്റ്റ്, ഒക്യുപ്പേഷണല്‍ തെറാപ്പിസ്റ്റ്, സൈക്കോളജിസ്റ്റ്, സ്‌പെഷ്യല്‍ എഡ്യുക്കേറ്റേഴ്‌സ് എന്നിവരുടെ സേവനം ക്യാമ്പില്‍ ലഭ്യമാക്കിയിരുന്നു.
