ഇടുക്കി ഡിസ്ട്രിക്ട് ട്രെയ്ഡേഴ്‌സ് വെല്‍ഫെയര്‍ സൊസൈറ്റിയുടെ വാര്‍ഷിക പൊതുയോഗം നടന്നു
അടിമാലി: കേരള വ്യാപാരി വ്യവസായി ഏകോപനസമിതി ഇടുക്കി ജില്ലാ കമ്മിറ്റിയുടെ നേതൃത്വത്തില്‍ രൂപീകരിച്ച ഇടുക്കി ഡിസ്ട്രിക്ട് ട്രെയ്ഡേഴ്‌സ് വെല്‍ഫെയര്‍ സൊസൈറ്റിയുടെ മൂന്നാമത് വാര്‍ഷിക പൊതുയോഗം നടന്നു. അടിമാലി ക്ലബ്ബ് ഓഡിറ്റോറിയത്തിലാണ് യോഗം നടന്നത്.വ്യാപാരി വ്യവസായി ഏകോപനസമിതി ഇടുക്കി ജില്ലാ പ്രസിഡന്റ് സണ്ണി പൈമ്പിള്ളി യോഗം ഉദ്ഘാടനം ചെയ്തു.
സംഘടനയുടെ കീഴിലുള്ള അംഗങ്ങള്‍ക്ക് രോഗത്തെ തുടര്‍ന്നോ അപകടം മൂലമോ സംഭവിക്കാവുന്ന ചികിത്സാ ചെലവുകള്‍ക്കും മരണം സംഭവിച്ചാല്‍ ആ കുടുംബത്തിനുണ്ടാകുന്ന സാമ്പത്തിക പ്രശ്നങ്ങള്‍ക്കും കൈത്താങ്ങാവുകയെന്ന ലക്ഷ്യത്തോടെയാണ് വെല്‍ഫെയര്‍സൊസൈറ്റി പ്രവര്‍ത്തിക്കുന്നത്. വെല്‍ഫെയര്‍സൊസൈറ്റി അംഗങ്ങള്‍ക്കായി നടപ്പിലാക്കുന്ന കുടുംബ സുരക്ഷാ നിധിയുടെ വിതരണവും ചടങ്ങില്‍ നടന്നു. മരണപ്പെട്ട 10 അംഗങ്ങളുടെ അവകാശികള്‍ക്ക് 6.5 ലക്ഷം രൂപയുടെ കുടുംബ സുരക്ഷാ നിധിയാണ് കൈമാറിയത്.
ചടങ്ങില്‍ സൊസൈറ്റി ചെയര്മാന് ഡയസ് ജോസ് അധ്യക്ഷത വഹിച്ചു. സൊസൈറ്റി വൈസ് ചെയര്മാന് കെ ആര്‍ വിനോദ്, സെക്രട്ടറി തങ്കച്ചന്‍ കോട്ടക്കകം, ട്രഷറര്‍ സിബി കൊച്ചുവള്ളാട്ട്, ജില്ലാ ജനറല്‍ സെക്രട്ടറി ഹാജി നജീബ് ഇല്ലത്തുപറമ്പില്‍, ആര്‍ രമേശ്, വി എസ് ബിജു എന്നിവര്‍ സംസാരിച്ചു.ജില്ലയിലെ ചില ആശുപത്രികളില്‍ സൊസൈറ്റി അംഗങ്ങള്‍ക്കുള്ള ചികിത്സ ഡിസ്‌കൗണ്ട് പദ്ധതിയുടെ ധാരണ പത്രം ആശുപത്രി അധികൃതര്‍ സൊസൈറ്റി ചെയര്മാന് ചടങ്ങില്‍ കൈമാറി.
