അടിമാലി: അടിമാലി ക്ലബ്ബ്, തൊടുപുഴ സെന്റ് മേരീസ് ഹോസ്പിറ്റല് എന്നിവരുടെ സഹകരണത്തോടെ ഈ മാസം 26ന് രാവിലെ 9 മുതല് 2 മണിവരെയാണ് അടിമാലിയില് സൗജന്യ മെഡിക്കല് ക്യാമ്പ് സംഘടിപ്പിച്ചിട്ടുള്ളത്.കാര്ഡിയോളജി, ഗ്യാസ്ട്രോഎന്ററോളജി, ന്യൂറോളജി, ന്യൂറോ സര്ജറി,ഓര്ത്തോപീഡിക്സ്, നെഫ്രോളജി, യൂറോളജി, ജനറല് സര്ജറി, ഇ എന് ടി, ജനറല് മെഡിസിന്, പീഡിയാട്രിക്സ് തുടങ്ങി ഇരുപതോളം ഡിപ്പാര്ട്ടുമെന്റുകളിലെ വിദഗ്ത ഡോക്ടര്മാര് ക്യാമ്പിന് നേതൃത്വം നല്കും.ക്യാമ്പില് പങ്കെടുക്കുന്നവര്ക്ക് ഇ സി ജി, ഡോക്ടര് കണ്സള്ട്ടേഷന്, പ്രമേഹ പരിശോധന എന്നിവ സൗജന്യമായും മറ്റ് ഓപ്പറേഷനുകളും ആന്ജിയോഗ്രാം, ആന്ജിയോപ്ലാസ്റ്റി തുടങ്ങിയ തുടര് ചികിത്സകളും കുറഞ്ഞ ചിലവില് ഒക്ടോബര് 26 മുതല് നവംബര് 26വരെ സെന്റ്മേരീസ് ഹോസ്പിറ്റലില് ലഭ്യമാക്കുന്നതാണെന്നും സംഘാടകര് അടിമാലിയില് വാര്ത്താ സമ്മേളനത്തില് അറിയിച്ചു.ക്യാമ്പില് പങ്കെടുക്കുന്നവര്ക്ക് ഡോക്ടര്മാര് നിര്ദ്ദേശിക്കുന്ന മരുന്നുകള് സൗജന്യമായി ലഭ്യമാക്കും.മെഡിക്കല് ക്യാമ്പിന്റെ ഉദ്ഘാടനം 26ന് രാവിലെ 9ന് അഡ്വ. എ രാജ എം എല് എ നിര്വ്വഹിക്കും.സെന്റ് മേരീസ് ഹോസ്പിറ്റല് ഡയറക്ടര് ഡോ.തോമസ് എബ്രഹാം ചടങ്ങില് ആമുഖ പ്രസംഗം നടത്തും.കാര്ഡിയോളജി, ന്യൂറോളജി തുടങ്ങി വിവിധ വിഭാഗങ്ങളിലെ ഡോക്ടര്മാരുടെ സേവനം ആളുകള്ക്ക് പരമാവധി സൗജന്യ മെഡിക്കല് ക്യാമ്പിലൂടെ പ്രയോജനപ്പെടുത്താവുന്നതാണെന്നും സംഘാടകര് വാര്ത്താ സമ്മേളനത്തില് വ്യക്തമാക്കി.
