ഇടുക്കി: നിരവധി ഹൈവേ മോഷണ കേസുകളിൽ പ്രതികളായ കൊസവപെട്ടി ഗണേശനും സംഘവും ആണ് അറസ്റ്റിലായത്. മോഷണം ലക്ഷ്യം വെച്ച് ഒമിനി വാനിൽ കറങ്ങുന്നതിനിടെയാണ് കമ്പംമെട്ട് പോലിസ് ഇവരെ പിടികൂടിയത്. വാഹനങ്ങളിൽ ചുറ്റിതിരിഞ്ഞ് അനുയോജ്യമായ സ്ഥലം കണ്ടെത്തി കൊള്ള നടത്തുകയായിരുന്നു കൊസവപെട്ടി ഗണേശന്റെയും സംഘത്തിന്റെയും രീതി.
കൊലപാതകം, മോഷണം, പിടിച്ചുപറി തുടങ്ങിയ വിവിധ കേസുകളിൽ ഇവർ പ്രതികൾ ആണ്. കഴിഞ്ഞ ഏഴിന് കേരളത്തിൽ എത്തിയ സംഘം മോഷ്ടിയ്ക്കാൻ അനുയോജ്യമായ സ്ഥലം കണ്ടെത്തുന്നതിനായി ഒമിനി വാനിൽ കറങ്ങുകയായിരുന്നു.
ഇവർ കേരളത്തിലേക്ക് വരുന്നതെറിഞ്ഞ് ഇടുക്കി പോലീസ് മുഴുവൻ പോലീസ് സ്റ്റേഷനുകളിലേക്ക് പരിശോധന നിർദേശം നൽകിയിരുന്നു. വാഹന നമ്പർ അടക്കം നൽകിക്കൊണ്ട് സാമൂഹിക സംഘടനകൾക്കും ഇവരെ കണ്ടെത്തിയാൽ വിവരം അറിയിക്കുവാൻ പോലീസ് നിർദേശം നൽകിയിരുന്നു.
ഇതിനിടെയാണ് കമ്പംമെട്ട് പോലീസിന്റെ വാഹന പരിശോധനയ്ക്കിടെ ഇവർ പിടിയിലായത്.
