ജനവാസ മേഖലയില് നിന്നും പിന്വാങ്ങാതെ പടയപ്പ; നിര്ത്തിയിട്ടിരുന്ന കാര് തകര്ത്തു
മൂന്നാര്: മൂന്നാറിലെ തോട്ടം മേഖലയില് കാട്ടുകൊമ്പന് പടയപ്പയുടെ സാന്നിധ്യം തൊഴിലാളി കുടുംബങ്ങള്ക്ക് വലിയ തലവേദനയാവുകയാണ്. മൂന്നാര് കുറ്റിയാര്വാലിയില് നിര്ത്തിയിട്ടിരുന്ന കാറിന് കാട്ടുകൊമ്പന് കോടുപാടുകള് വരുത്തി. ഇന്നലെയായിരുന്നു സംഭവം നടന്നത്.തുടര്ന്ന് മാട്ടുപ്പെട്ടി മേഖലയില് ഇറങ്ങിയ പടയപ്പ വഴിയോരക്കടകള്ക്ക് നേരെ അതിക്രമം നടത്താനും മുതിര്ന്നു.
പിന്നീട് വനംവകുപ്പുദ്യോഗസ്ഥരെത്തി കാട്ടുകൊമ്പനെ പ്രദേശത്ത് നിന്നും തുരത്തി.എങ്കിലും ജനവാസ മേഖലക്കരികില് തന്നെയാണ് കാട്ടുകൊമ്പന് നിലയുറപ്പിച്ചിട്ടുള്ളത്. ജനവാസ മേഖലകളിലൂടെ ചുറ്റിത്തിരിയുന്ന കാട്ടുകൊമ്പന് ആളുകളുടെ സ്വരൈ്യജീവിതം കെടുത്തുകയാണ്. മുന്കാലങ്ങളില് ശാന്തസ്വഭാവമായിരുന്ന പടയപ്പ ഇപ്പോള് ഇടക്കിടെ ആക്രമണം സ്വഭാവം പുറത്തെടുക്കുന്ന സ്ഥിതിയുണ്ട്.
ഇത് തൊഴിലാളി കുടുംബങ്ങളില് ആശങ്ക ഉയര്ത്തുന്നു. ഇത്തവണ മഴക്കാലത്ത് പോലും കാട്ടുകൊമ്പന് കാട് കയറാന് തയ്യാറായില്ല. വേനല്ക്കാലമാരംഭിക്കുന്നതോടെ കാട്ടുകൊമ്പന്റെ ശല്യം രൂക്ഷമാകുമോയെന്നും തൊഴിലാളി കുടുംബങ്ങള് ആശങ്കപ്പെടുന്നു.
