ഇടുക്കി പാർക്കിന്​ സമീപം കടുവ? ;വനം വകുപ്പ്​ ഉദ്യോഗസ്ഥർ തിരച്ചിൽ നടത്തി.

ചെറുതോണി: ഇടുക്കി പാർക്കിന്​ സമീപം കടുവയെ കണ്ടതായി അഭ്യൂഹം. കടുവയെ കണ്ടതായി ലോറി ഡ്രൈവർ അറിയിച്ചത് അനുസരിച്ച് വനം വകുപ്പ്​ ഉദ്യോഗസ്ഥർ സ്ഥലത്തെത്തി തിരച്ചിൽ നടത്തി. ബുധനാഴ്ച പുലർച്ച രണ്ടിന്​ മലപ്പുറത്തു നിന്ന്​ ലോഡുമായി കുമളിക്ക്​ പോയ പിക്​അപ്​ ലോറി ഡ്രൈവർ റിൻഷാദ് ആണ് കടുവയെ കണ്ടത്. ഇടുക്കി പാർക്കിനോട്​ ചേർന്ന് വലതുവശത്തെ കാട്ടിലേക്ക്​ പോകുന്നതാണ് കണ്ടതെന്ന് ഡ്രൈവർ പറഞ്ഞു. ഒരുനിമിഷം പരിഭ്രാന്തനായ ഡ്രൈവർ പാർക്കിലെ സെക്യൂരിറ്റിക്കാരനെ അറിയിച്ചു. ഇയാൾ ഇടുക്കി പൊലീസിൽ വിവരമറിയിച്ചു. തുടർന്ന്​ രാത്രി തന്നെ ഇടുക്കി ഫോറസ്റ്റ് സ്‌റ്റേഷനിലെ​ വനം വകുപ്പ്​ ഉദ്യോഗസ്ഥരെത്തി തിരച്ചിൽ നടത്തിയെങ്കിലും കണ്ടെത്താനായില്ല