വീടു പണിക്ക് സൂക്ഷിച്ച ജനൽ കട്ടള ദേഹത്ത് വീണു; ഒന്നാം ക്ലാസ് വിദ്യാർഥിക്ക് ദാരുണാന്ത്യം

അടൂർ വീടു പണിക്കു വേണ്ടി സൂക്ഷിച്ചിരുന്ന ജനൽ കട്ടള വീണ്
ഒന്നാം ക്ലാസ് വിദ്യാർഥി മരിച്ചു. അടൂർ ഏഴംകുളം അറുകാലിക്കൽ
വെസ്‌റ്റ് ചരുവിള പുത്തൻവീട്ടിൽ തനൂജ് കുമാറിന്റെയും
ആര്യയുടേയും മകൻ ദ്രുപത് തനൂജ് (7) ആണ് മരിച്ചത്. ഓമല്ലൂർ
കെ.വിയിലെ ഒന്നാം ക്ലാസ് വിദ്യാർഥിയായിരുന്നു. ഇന്ന് രാവിലെ 10
നായിരുന്നു സംഭവം. വീടുപണിക്കു വേണ്ടി സൂക്ഷിച്ചിരുന്ന ജനൽ
കട്ടളയാണ് അബദ്ധത്തിൽ ദ്രുപതിൻ്റെ ശരീരത്തിലേക്ക് വീണത്.
തലയ്ക്കാണ് പരുക്കേറ്റത്. തുടർന്ന് അടൂരിലെ സ്വകാര്യ
ആശുപത്രിയിൽ എത്തിച്ചെങ്കിലും മരിച്ചു.