അടിമാലി: മാങ്കുളത്ത് ജനവാസ മേഖലയില്‍ കണ്ടെത്തിയ രാജവെമ്പാലയെ പിടികൂടി നീക്കി.മാങ്കുളം താളുംങ്കണ്ടംകുടി നിവാസിയായ ശതാവേലില്‍ ജയന്റ വീട്ടു മുറ്റത്തിന് സമീപം പഴയ സാധന സാമഗ്രികളും മറ്റും കൂടികിടന്നിരുന്നിടത്തു നിന്നുമാണ് പാമ്പിനെ കണ്ടെത്തിയത്. പാമ്പിന്റെ സാന്നിധ്യം കണ്ടെത്തിയതോടെ വീട്ടുമസ്ഥര്‍ വിവരം സമീപവാസികളെ അറിയിച്ചു.
വലിയ രാജവെമ്പാലയാണെന്ന് തിരിച്ചറിഞ്ഞതോടെ നാട്ടുകാര്‍ വിവരം വനം വകുപ്പിനെ അറിയിച്ചു. വനം വകുപ്പിന് കീഴിലുള്ള ആര്‍ ആര്‍ റ്റി സംഘമെത്തി പാമ്പിനെ പിടികൂടി മാറ്റി.
17 അടിയോളം നീളമുള്ള പാമ്പിനെയാണ് പിടികൂടിയത്. പിടികൂടിയ പാമ്പിനെ നേര്യമംഗലം വനമേഖലയിലെ ഉള്‍വനത്തില്‍ തുറന്നു വിട്ടു.
