അടിമാലി: കൊച്ചി ധനുഷ്‌ക്കോടി ദേശിയപാതയില്‍ അടിമാലി പതിനാലാംമൈലിന് സമീപം വാഹനാപകടം.ഇന്നുച്ചക്ക് ശേഷമായിരുന്നു അപകടം സംഭവിച്ചത്.പതിനാലാംമൈലിന് സമീപം കാര്‍ പാതയോരത്തേക്ക് മറിയുകയായിരുന്നു.എറണാകുളത്തു നിന്നും മൂന്നാറിലെത്തിയ സംഘം തിരികെ എറണാകുളത്തേക്ക് മടങ്ങുന്നതിനിടയിലായിരുന്നു അപകടം സംഭവിച്ചതെന്ന് പോലീസ് പറഞ്ഞു.അപകടത്തില്‍പ്പെട്ടവരെ പിന്നീട് അടിമാലിയിലെ ആശുപത്രിയില്‍ എത്തിച്ചു.വാഹനത്തില്‍ ഉണ്ടായിരുന്നവര്‍ ഗുരുതര പരിക്കുകള്‍ ഇല്ലാതെ രക്ഷപ്പെട്ടു. മൂന്നാറിലേക്കെത്തുന്ന വിനോദ സഞ്ചാരികളുടെ തിരക്ക് വര്‍ധിച്ചതോടെ ദേശിയപാതയില്‍ അപകടങ്ങള്‍ വര്‍ധിക്കുന്ന സാഹചര്യമുണ്ട്.ദേശിയപാത നവീകരണം നടക്കുന്നതിനാല്‍ പലയിടത്തും പാതക്ക് നന്നെ വിസ്താരക്കുറവുണ്ട്.ഇന്നലെ അടിമാലി കൂമ്പന്‍പാറക്ക് സമീപം കാര്‍ അപകടത്തില്‍പ്പെട്ടിരുന്നു.
