നെടുങ്കണ്ടം എം . ഇ. എസ്. കോളേജിലെ എൻ. എസ്. എസ്. യൂണിറ്റ് ലഹരി വിരുദ്ധ ബോധവത്കരണ റാലി സംഘടിപ്പിച്ചു

നെടുങ്കണ്ടം: നെടുങ്കണ്ടം എം. ഇ. എസ്. കോളേജിലെ എൻ. എസ്. എസ്. യൂണിറ്റിന്റെ ആഭിമുഖ്യത്തിൽ നടത്തപെടുന്ന സപ്തദിന ക്യാമ്പിന്റെ ഭാഗമായി കട്ടപ്പനയിൽ ലഹരി വിരുദ്ധ ബോധവത്കരണ റാലി സംഘടിപ്പിച്ചു. കട്ടപ്പന ട്രൈബൽ സ്കൂളിൽ നിന്നാരംഭിച്ച റാലി കട്ടപ്പന ഗവണ്മെന്റ് ട്രൈബൽ ഹൈസ്കൂൾ പ്രിൻസിപ്പൽ ശ്രീമതി തങ്കമണി വി. ബി. ഫ്ലാഗ് ഓഫ് ചെയ്തു.

ലഹരി വിരുദ്ധ സന്ദേശങ്ങളും മുദ്രാവാക്യങ്ങളും അടങ്ങിയ പ്ലക്കാർഡുകളുമായി കട്ടപ്പനയിലൂടെ നടന്ന്,റാലി പുതിയ ബസ്സ്റ്റാൻഡിൽ എത്തിച്ചേർന്നു. തുടർന്ന് എൻ.എസ് .എസ്. വോളന്റിയേഴ്സ് ലഹരിവിരുദ്ധ സന്ദേശം നൽകികൊണ്ട് തെരുവുനാടകവും അവതരിപ്പിച്ചു.പ്രോഗാം ഓഫീസർമാരായ ഡോ. മുംന്ന നാസർ, ഡോ. അഭയദേവ് മലയിൽ, വിദ്യാർത്ഥികളായ ശ്രുതി ഗണേശ്, മീനാക്ഷി സുനിൽ, രമേശ്, അരുൺ, ആരോൺ എന്നിവർ നേതൃത്വം നല്കി.