KeralaLatest NewsLocal news
കെ എസ് എസ് പി യു അടിമാലി ഈസ്റ്റ് യൂണിറ്റിന്റെ നേതൃത്വത്തില്‍ ഓണാഘോഷം സംഘടിപ്പിച്ചു
അടിമാലി: കെ എസ് എസ് പി യു അടിമാലി ഈസ്റ്റ് യൂണിറ്റിന്റെ നേതൃത്വത്തില്‍ ഓണാഘോഷവും കുടുംബമേളയും സംഘടിപ്പിച്ചു. സംഘടനാംഗങ്ങള്‍ക്കിടയില്‍ കൂടുതല്‍ സന്തോഷം പകരുക, സംഘടനയുടെ പ്രവര്‍ത്തനങ്ങള്‍ കൂടുതല്‍ മെച്ചപ്പെട്ട നിലയില്‍ മുമ്പോട്ട് കൊണ്ടുപോകുകയെന്ന ലക്ഷ്യത്തോടെയായിരുന്നു പരിപാടി സംഘടിപ്പിച്ചത്. സംഘടന അടിമാലി ബ്ലോക്ക് പ്രസിഡന്റ് പി കെ സുധാകരന്‍ പരിപാടി ഉദ്ഘാടനം ചെയ്തു.
അടിമാലി സര്‍ക്കാര്‍ ഹൈസ്‌ക്കൂള്‍ ഓഡിറ്റോറിയത്തിലായിരുന്നു പരിപാടി നടന്നത്. യൂണിറ്റ് പ്രസിഡന്റ് വി എസ് നരേന്ദ്രന്‍ അധ്യക്ഷത വഹിച്ചു. ഗ്രാമപഞ്ചായത്തംഗം കെ കെ രാജു, സംസ്ഥാന കൗണ്‍സിലര്‍ പി കെ ശ്യാമള, ടി പി ശ്രീനിവാസന്‍, എം കെ പൗലോസ് എന്നിവര്‍ സംസാരിച്ചു.നിരവധി സംഘടനാഗംങ്ങള്‍ പരിപാടിയില്‍ സംബന്ധിച്ചു.
