അടിമാലി : അടിമാലി ആത്മജ്യോതി പാസ്റ്ററൽ സെന്ററിൽ വെച്ച് നടന്ന സെനറ്റ് സമ്മേളനത്തിലാണ് കെസിവൈഎം ഇടുക്കി രൂപത തെരഞ്ഞെടുപ്പ് നടന്നത്. കെസിവൈഎം ഇടുക്കി രൂപത പ്രസിഡന്റായി സാം സണ്ണി പുള്ളിയിലും ജനറൽ സെക്രട്ടറിയായി അമൽ ജിജു ജോസഫും തെരഞ്ഞെടുക്കപ്പെട്ടു.
കോതമംഗലം സി.എസ്.എൻ പ്രൊവിൻഷ്യൽ സുപ്പീരിയർ സിസ്റ്റർ ലിൻസി സി.എസ്.എൻ സെനറ്റ് സമ്മേളനം ഉദ്ഘാടനംചെയ്തു.ഇടുക്കി രൂപത മെത്രാൻ മാർ ജോൺ നെല്ലിക്കുന്നേൽ ആണ് സമാപന സമ്മേളനം ഉദ്ഘാടനം ചെയ്തത്. രൂപതയിലെ വിവിധ യൂണിറ്റുകളിൽ നിന്നും മേഖലയിൽ നിന്നും നൂറുകണക്കിന് ഭാരവാഹികൾ സെനറ്റ് സമ്മേളനത്തിൽ പങ്കെടുത്തു.
ജനറൽ സെക്രട്ടറിയായി അമൽ ജിജു ജോസഫ്, വൈസ് പ്രസിഡന്റുമാരായി ഡമിൽ കെ ഷിബു, സൗപർണിക സന്തോഷ്, ട്രഷററായി ജിതിൻ ജോൺസൺ. സെക്രട്ടറിമാരായി ഡെല്ല മാത്യു, ഐബിൻ വി ഐസക് എന്നിവരെയും, എക്സിക്യൂട്ടീവ് അംഗങ്ങളായി ആൻമരിയ ഷാജു, അമിത ട്രീസ സാജൻ, അബിൻ ജോൺസൺ, ഡൊണാൾഡ് ജോസഫ് റെജി, എന്നിവരെയും തെരഞ്ഞെടുത്തു.
ഗ്രാഫിക് ഡിസൈനറായ സാം പാറത്തോട് പുള്ളിയിൽ സണ്ണി മേഴ്‌സി ദമ്പതികളുടെ മകനാണ്.
