അടിമാലി : അടിമാലി നാര്‍ക്കോട്ടിക് എന്‍ഫോഴ്സ്മെന്റ് സ്‌ക്വാഡ് സര്‍ക്കിള്‍ ഇന്‍സ്പെക്ടര്‍ മനൂപ് വി പിയുടെ നേത്യത്വത്തില്‍ നടത്തിയ പരിശോധനയിലാണ് രണ്ട് കിലോയിലധികം കഞ്ചാവുമായി പത്തൊമ്പതുകാരനെ പിടികൂടിയത്. രാജാക്കാട് സ്വദേശി അഭിനന്ദാണ് പിടിയിലായത്.യുവാവിന്റെ പക്കല്‍ നിന്നും രണ്ട് കിലോ 50 ഗ്രാം കഞ്ചാവും പിടിച്ചെടുത്തു. അയല്‍ സംസ്ഥാന തൊഴിലാളികള്‍ പെരുമ്പാവൂരില്‍ എത്തിച്ചു നല്‍കുന്ന കഞ്ചാവ് വാങ്ങി രാജാക്കാട് മേഖലയില്‍ ചില്ലറ വില്‍പ്പന നടത്തുകയാണ് പ്രതിയുടെ രീതിയെന്നാണ് നാര്‍ക്കോട്ടിക് സംഘം നല്‍കുന്ന വിവരം. പെരുമ്പാവൂരില്‍ നിന്ന് രാജാക്കാട്ടിലേക്ക് വരുന്ന വഴി മധ്യേ അടിമാലി ഇരുമ്പുപാലത്തിന് സമീപം വച്ചാണ് ഇയാള്‍ പിടിയിലായത്.കഞ്ചാവ് കടത്തി കൊണ്ട് വരാന്‍ ഉപയോഗിച്ച സ്‌കൂട്ടറും പിടിച്ചെടുത്തു. കഴിഞ്ഞ കുറച്ച് നാളുകളായി യുവാവ് നാര്‍കോട്ടിക് സ്‌ക്വാഡിന്റെ നിരീക്ഷണത്തിലായിരുന്നു.
അസിസ്റ്റന്റ് എക്‌സൈസ് ഇന്‍സ്പെക്ടര്‍ ഗ്രേഡ് അഷ്റഫ് കെ എം, ദിലീപ് എന്‍ കെ, പ്രിവന്റീവ് ഓഫീസര്‍ ബിജു മാത്യു, സിവില്‍ എക്‌സൈസ് ഓഫീസര്‍മാരായ അബ്ദുല്‍ ലത്തീഫ്, മുഹമ്മദ് ഷാന്‍ബിബിന്‍ ജെയിംസ്, സുബിന്‍ പി വര്‍ഗ്ഗീസ്, സിവില്‍ എക്‌സൈസ് ഓഫീസര്‍ നിധിന്‍ ജോണി എന്നിവരും പ്രതിയെ പിടികൂടിയ സംഘത്തില്‍ ഉണ്ടായിരുന്നു.
