നേര്യമംഗലത്ത് കെഎസ്ആർടിസി ബസ് താഴ്ചയിലേക്ക് തെന്നിനീങ്ങി; അടിയിൽപെട്ട 14 വയസ്സുകാരി മരിച്ചു

നേര്യമംഗലം ∙ മണിയമ്പാറയിൽ കെഎസ്ആർടിസി ബസ് താഴ്ചയിലേക്ക് തെന്നി നീങ്ങിയുണ്ടായ അപകടത്തിൽ 14 വയസ്സുകാരി മരിച്ചു. കീരിത്തോട് തെക്കുമറ്റത്തിൽ പരേതനായ ബെന്നിയുടെ മകൾ അനീറ്റ (14) ആണ് മരിച്ചത്. ബസിന്റെ മുൻഭാ​ഗത്തെ ടയറിനിടയിൽ കുടുങ്ങിയ അനീറ്റയെ ഫയർഫോഴ്സെത്തിയാണ് പുറത്തെടുത്തത്.

കുമളിയിൽ നിന്ന് എറണാകുളത്തേക്ക് വരും വഴിയാണ് കെഎസ്ആർടിസി ബസ് അപകടത്തിൽ പെട്ടത്..ബസ്സിന്റെ പിൻഭാ​ഗം തിട്ടിലിടിച്ചതിനെ തുടർന്ന് നിയന്ത്രണം നഷ്ട്ടപെട്ട ബസ് 25 അടിയോളം താഴ്ചയിലേക്ക് മറിയുകയായിരുന്നു . കെഎസ്ആര്‍ടിസി ബസിലെ ഡ്രൈവര്‍ക്കും കണ്ടക്ടര്‍ക്കുമടക്കം 20 പേർക്ക് പരിക്കേറ്റു. ഇവരിൽ ഒരാളുടെ പരിക്ക് ഗുരുതരമാണെന്നാണ് വിവരം.

ഫയര്‍ ഫോഴ്‌സും നാട്ടുകാരും ചേര്‍ന്ന് ആണ് രക്ഷാപ്രവര്‍ത്തനം നടത്തുന്നത്