മൂന്നാർ ചിന്നക്കനാലിൽ പുലിയുടെ ആക്രമണം. ചിന്നക്കനാൽ പവർ ഹൗസ് സ്വദേശി രാജപാണ്ടിയുടെ വീട്ടിലെ വളർത്തു നായെ പുലി പിടിച്ചു. ഇന്നലെ രാത്രിയാണ് വളർത്ത് നായെ പുലി കൊണ്ടുപോയത്. ഒരാഴ്ച്ച മുൻപ് തൊഴിലാളികൾ തോട്ടം മേഖലയിൽ പുലിയെ കണ്ടിരുന്നു. ജനവാസ മേഖലയിലേക്ക് പുലി എത്തിയതോടെ പ്രദേശവാസികൾ ഏറെ ഭീതിയോടെയാണ് കഴിയുന്നത്. പുലിയെ പിടികൂടാൻ എത്രയും വേഗം നടപടി സ്വീകരിക്കണമെന്നാണ് ആവശ്യം.
