KeralaLatest NewsLocal news
മൂന്നാര്‍ ഗ്രാമപഞ്ചായത്തില്‍ പുതിയ പ്രസിഡന്റ് തിരഞ്ഞെടുപ്പ് നാളെ നടക്കും
മൂന്നാര്‍: മൂന്നാര്‍ ഗ്രാമപഞ്ചായത്തിന്റെ പുതിയ പ്രസിഡന്റ് തിരഞ്ഞെടുപ്പ് നാളെ രാവിലെ 11ന് പഞ്ചായത്ത് ഹാളില്‍ നടക്കും. തിരഞ്ഞെടുപ്പില്‍ താലൂക്ക് സ്ഥിതി വിവര കണക്ക് ഓഫിസര്‍ കെ.കെ.ഷിജിനാണ് മുഖ്യ വരണാധികാരി. പ്രസിഡന്റായിരുന്ന ദീപ രാജ്കുമാര്‍, മറ്റൊരംഗത്തിന് പ്രസിഡന്റ് സ്ഥാനം നല്‍കുന്നതിന് കോണ്‍ഗ്രസ് നേതൃത്വത്തിന്റെ നിര്‍ദേശപ്രകാരം കഴിഞ്ഞ 28ന് രാജിവച്ചിരുന്നു. ഇതിനെ തുടര്‍ന്നാണ് നാളെ പുതിയ പ്രസിഡന്റ് തിരഞ്ഞെടുപ്പ് നടക്കുന്നത്.
21 അംഗങ്ങളില്‍ കൂറുമാറിയ 2 അംഗങ്ങളെ അയോഗ്യരാക്കിയതോടെ നിലവില്‍ പഞ്ചായത്തില്‍ 19 അംഗങ്ങളാണുള്ളത്. കോണ്‍ഗ്രസിന് പതിനൊന്നും എല്‍ഡി എഫിന് 8 അംഗങ്ങളുടെയും പിന്തുണയാണുള്ളത്. പഞ്ചായത്ത് തിരഞ്ഞെടുപ്പിന് ശേഷം മൂന്നാറില്‍ അഞ്ചാമത്തെ പ്രസിഡന്റ് തിരഞ്ഞെടുപ്പാണ് നാളെ നടക്കുന്നത്.
