അടിമാലി : അടിമാലി ഇരുമ്പുപാലത്ത് കെഎസ്ആർടിസി ബസ് നിയന്ത്രണം വിട്ടു മറിഞ്ഞ് അപകടം. ഉടുമലപേട്ടയിൽ നിന്നും എറണാകുളത്തേക്ക് പോയ കെഎസ്ആർടിസി ഫാസ്റ്റ് പാസഞ്ചർ ബസ് ആണ് അപകടത്തിൽപ്പെട്ടത്. ഇരുമ്പുപാലം ടൗണിന് മുമ്പായി ചെറായി പാലം എന്ന സ്ഥലത്ത് വളവ് തിരിച്ചെത്തിയ ബസ് നിയന്ത്രണം വിട്ട് മുതിരപ്പുഴയാറിന് ഭാഗമായ സ്ഥലത്തേക്ക് പോവുകയായിരുന്നു. ചെറിയ രീതിയിൽ പരിക്കേറ്റ ഡ്രൈവറെയും രണ്ട് യാത്രക്കാരെയും അടിമാലി താലൂക്ക് ആശുപത്രിയിലേക്ക് മാറ്റി. മറ്റുള്ളവരെ ഇരുമ്പുപാലത്തെ സ്വകാര്യ ആശുപത്രിയിലേക്ക് മാറ്റി
