ഹോര്‍ട്ടികോര്‍പ്പിന്റെ സ്‌ട്രോബറി പാര്‍ക്കിന്റെ പ്രവര്‍ത്തനം കാര്യക്ഷമമാക്കണമെന്നാവശ്യം
മൂന്നാര്‍: മൂന്നാറിന്റെ വിനോദ സഞ്ചാരത്തിന് കൂടുതല്‍ കരുത്ത് പകരുക എന്ന ലക്ഷ്യത്തോടെ മൂന്നാറില്‍ ആരംഭിച്ച ഹോര്‍ട്ടികോര്‍പ്പിന്റെ സ്‌ട്രോബറി പാര്‍ക്കിന്റെ പ്രവര്‍ത്തനം കാര്യക്ഷമമാക്കണമെന്നാവശ്യം. വട്ടവടയിലേക്ക് സഞ്ചാരികളെ ആകര്‍ഷിക്കുന്ന കാര്യങ്ങളില്‍ ഒന്ന് വട്ടവടയിലെ സ്‌ട്രോബറി കൃഷിയാണ്. സീസണ്‍ കാലത്ത് സ്‌ട്രോബറിയുടെ മധുരം മൂന്നാറിലും നുകരാന്‍ സഞ്ചാരികള്‍ക്ക് അവസരമൊരുക്കുക, ആവശ്യക്കാര്‍ക്ക് സ്‌ട്രോബറി പഴങ്ങള്‍ വാങ്ങാന്‍ അവസരമൊരുക്കുകയെന്ന ലക്ഷ്യത്തോടെയായിരുന്നു ഹോര്‍ട്ടി കോര്‍പ്പിന്റെ നേതൃത്വത്തില്‍ മൂന്നാറില്‍ സ്‌ട്രോബറി പാര്‍ക്ക് യാഥാര്‍ത്ഥ്യമാക്കിയത്.
സ്‌ട്രോബറി പാര്‍ക്ക് പ്രവര്‍ത്തിക്കുന്ന സ്ഥലത്ത് സ്‌ട്രോബറി കൃഷി ചെയ്ത് സീസണില്‍ വിളവെടുപ്പിന് പാകമാകുന്നതോടെ സഞ്ചാരികള്‍ക്ക് നേരിട്ടിവിടെത്തി സ്‌ട്രോബറി വാങ്ങാന്‍ അവസരമൊരുക്കുന്നതായിരുന്നു പദ്ധതി. മൂല്യവര്‍ധിത ഉത്പ്പന്നങ്ങള്‍ ഉണ്ടാക്കി വില്‍പ്പന നടത്തുകയെന്ന ലക്ഷ്യവും പദ്ധതിക്കുണ്ടായിരുന്നു. ഇതിനായി ക്രമീകരണങ്ങള്‍ ഒരുക്കുകയും ചെയ്തു. തുടക്കത്തില്‍ മികച്ച രീതിയില്‍ പോയ പദ്ധതി പിന്നീട് താളം തെറ്റിയെന്നാണ് ഇപ്പോള്‍ ഉയരുന്ന ആക്ഷേപം. നിലവില്‍ സ്‌ട്രോബറി പാര്‍ക്കിന്റെ ഭാഗമായ സ്ഥലത്ത് ഹോര്‍ട്ടികോര്‍പ്പിന്റെ നേതൃത്വത്തില്‍ മറ്റ് കൃഷികള്‍ ഫലപ്രദമായി നടന്ന് വരുന്നുണ്ട്. പച്ചക്കറികളുടെ സംഭരണവും നടക്കുന്നു.
എന്നാല്‍ സ്‌ട്രോബറി പാര്‍ക്കിന്റെ പേരിലുള്ള സ്‌ട്രോബറി കൃഷി നിലച്ചു. മൂന്നാറിലെത്തിയാല്‍ തന്നെ സ്‌ട്രോബറിയുടെ മധുരം നുകരാന്‍ മറ്റിടങ്ങളിലേക്ക് പോകേണ്ട സാഹചര്യമുള്ളതിനാല്‍ സ്‌ട്രോബറി പാര്‍ക്കിനുള്ളില്‍ കുറ്റമറ്റ രീതിയില്‍ സ്‌ട്രോബറി കൃഷി നടപ്പിലാക്കിയാല്‍ സഞ്ചാരികളെ ആകര്‍ഷിക്കുകയും ടൂറിസത്തിന് സഹായകരമാകുകയും ചെയ്യും. ഈ സാഹചര്യത്തിലാണ് സ്‌ട്രോബറി പാര്‍ക്കിന്റെ പ്രവര്‍ത്തനം കാര്യക്ഷമമാക്കണമെന്ന ആവശ്യം ഉയര്‍ന്നിട്ടുള്ളത്. അതേ സമയം സ്‌ട്രോബറി കൃഷിക്കായുള്ള പ്രവര്‍ത്തനങ്ങള്‍ നടന്ന് വരുന്നതായി ഹോര്‍ട്ടികോര്‍പ്പധി
