KeralaLatest NewsLocal news
സിപിഎം ഈ തിരഞ്ഞെടുപ്പില്‍ വോട്ടഭ്യര്‍ത്ഥിക്കുന്നത് പാര്‍ട്ടി ചിഹ്നം നഷ്ടപ്പെടാതിരിക്കാനെന്ന് മാത്യു കുഴല്‍നാടന്‍ എംഎല്‍എ
സിപിഎമ്മിന്റെ ദേശിയ അംഗീകാരം നഷ്ടപ്പെടുന്ന നിലയിലേക്ക് പാര്‍ട്ടി മാറിയിരിക്കുന്നു
അടിമാലി: ഇന്ത്യന്‍നാഷണല്‍ കോണ്‍ഗ്രസും യൂ ഡി എഫും ഈ ലോക്‌സഭാ തിരഞ്ഞെടുപ്പില്‍ മത്സരിക്കുന്നത് ബി ജെ പിയെ പരാജയപ്പെടുത്താനും കേന്ദ്രത്തില്‍ മതേതര ജനാധിപത്യ സര്‍ക്കാര്‍ രൂപീകരിക്കാനും വേണ്ടിയാണെങ്കില്‍ സി പി എം ഈ ലോക്‌സഭാ തിരഞ്ഞെടുപ്പില്‍ മത്സരിക്കുന്നത് അവരുടെ ചിഹ്നം നിലനിര്‍ത്താന്‍ വേണ്ടിയാണെന്ന് മാത്യു കുഴല്‍നാടന്‍ എംഎല്‍എ.
അടിമാലിയില്‍ യുഡിഎഫ് ദേവികുളം നിയോജക മണ്ഡലം കണ്‍വന്‍ഷന്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. സിപിഎമ്മിന്റെ ദേശിയ അംഗീകാരം നഷ്ടപ്പെടുന്ന നിലയിലേക്ക് പാര്‍ട്ടി മാറിയിരിക്കുന്നുവെന്നും ഇടുക്കിയിലെ ഇടതു സ്ഥാനാര്‍ത്ഥി ഇത്തവണ പാര്‍ട്ടി ചിഹ്നത്തില്‍ മത്സരിക്കുന്നത് ഇക്കാരണത്താലാണെന്നും മാത്യു കുഴല്‍നാടന്‍ എംഎല്‍എ അടിമാലിയില്‍ പറഞ്ഞു.
