കൊച്ചി അന്താരാഷട്ര വിമാനത്താവളം സമ്പൂർണ ഡിജിറ്റൽവത്കരണത്തിലേക്ക്. സിയാൽ 2.0 എന്ന ബൃഹദ് പദ്ധതിയിലൂടെ വിമാനത്താവളം ഡിജിറ്റൽ വത്കരണത്തിലേക്ക് കുതിക്കാനൊരുങ്ങുന്നത്. ഇതിനായി 200 കോടി രൂപയുടെ പദ്ധതിയാണ് പ്രഖ്യാപിച്ചിരിക്കുന്നത്. സിയാൽ 2.0 മുഖ്യമന്ത്രി പിണറായി വിജയൻ തിങ്കളാഴ്ച ഉദ്ഘാടനം ചെയ്യും.
നിർമ്മിതബുദ്ധി, ഓട്ടോമേഷൻ, പഴുതടച്ച സൈബർ സുരക്ഷ എന്നിവയിലൂടെയാണ് വിമാനത്താവളം സമ്പൂർണ ഡിജിറ്റലൈസേഷനിലേക്ക് മാറുക. ഇതോടെ യാത്രക്കാർക്ക് അതിവേഗം സുരക്ഷാപ്രക്രിയ പൂർത്തിയാക്കാൻ കഴിയും.സൈബർ ഡിഫൻസ് ഓപ്പറേഷൻസ് സെന്റർ പ്രവർത്തന സജ്ജമാകുന്നതോടെ വിമാനത്താവളവുമായി ബന്ധപ്പെട്ട എല്ലാ ഓൺലൈൻ സംവിധാനങ്ങളുടെ സെർവറുകളും സൈബർ സുരക്ഷാ സാങ്കേതികവിദ്യയും തദ്ദേശീയമായി തന്നെ കൈകാര്യം ചെയ്യാനാകും.
“വ്യോമയാന മേഖലയിൽ സൈബർ ഭീഷണികൾ വർദ്ധിച്ചുവരുന്ന സാഹചര്യത്തിൽ, ഹാക്കിംഗ് ആക്രമണങ്ങൾ, മാൽവെയർ നുഴഞ്ഞുകയറ്റങ്ങൾ, റാൻസംവെയർ ആക്രമണങ്ങൾ എന്നിവയുൾപ്പെടെയുള്ള ബാഹ്യ ഭീഷണികൾ കണ്ടെത്തുന്നതിനും, നിർവീര്യമാക്കുന്നതിനും, മുൻകൂട്ടി തടയുന്നതിനും സിഡിഒസി നൂതന സുരക്ഷാ ഉപകരണങ്ങൾ ഉപയോഗിക്കുന്നു. ഈ തത്സമയ ഡിജിറ്റൽ കവചം സിയാലിന്റെ നെറ്റ്‌വർക്കും ഐടി നട്ടെല്ലും സുരക്ഷിതമായി തുടരുന്നുവെന്ന് ഉറപ്പാക്കുന്നു, ഇത് വിമാനത്താവള സൈബർ സുരക്ഷയിൽ ദേശീയ മാനദണ്ഡമാക്കി മാറ്റുന്നു,” സിയാലിന്റെ എംഡി എസ് സുഹാസ് പറഞ്ഞു.
അന്താരാഷ്ട്ര മാനദണ്ഡങ്ങൾ പാലിക്കുന്ന ഫുൾ-ബോഡി സ്കാനറുകൾ കോൺടാക്റ്റ്‌ലെസ്, നോൺ-ഇൻട്രൂസീവ് സുരക്ഷാ പരിശോധനകൾ പ്രാപ്തമാക്കും. യാത്രക്കാരുടെ സുരക്ഷ ഉറപ്പാക്കും. ട്രേ മൂവ്മെന്റ് പ്രക്രിയ ഓട്ടോമേറ്റ് ചെയ്തും മാനുവൽ ഹാൻഡ്‌ലിംഗ് കുറയ്ക്കുന്നതിലൂടെയും ക്യാബിൻ ബാഗേജ് സ്‌ക്രീനിംഗ് വേഗത്തിലാക്കുന്ന ഓട്ടോമേറ്റഡ് ട്രേ റിട്രീവൽ സിസ്റ്റം (ATRS) സുരക്ഷാ ചെക്ക്‌പോസ്റ്റുകളിൽ സജ്ജീകരിക്കും.4,000-ലധികം ക്യാമറകളുള്ള ഒരു ആൾ-ഡ്രൈവൺ സർവൈലൻസ് സിസ്റ്റം ഇപ്പോൾ ഉയർന്ന സുരക്ഷാ മേഖലകളിൽ പ്രവർത്തിക്കുന്നു. തത്സമയ നിരീക്ഷണം, വിശകലനം, അതിവേഗ ഇടപെടൽ എന്നിവ ഇതിലൂടെ സാധ്യമാകുന്നു.
