മൂന്നാര് മാട്ടുപ്പെട്ടി നെറ്റിക്കുടി എസ്റ്റേറ്റില് ഇറങ്ങി കാട്ടുകൊമ്പന് പടയപ്പ
മൂന്നാര്: മൂന്നാറിലെ തോട്ടം മേഖലയില് കാട്ടുകൊമ്പന് പടയപ്പയുടെ സാന്നിധ്യം തൊഴിലാളി കുടുംബങ്ങള്ക്ക് വലിയ തലവേദനയാവുകയാണ്. മൂന്നാര് മാട്ടുപ്പെട്ടി നെറ്റിക്കുടി എസ്റ്റേറ്റിലാണ് കാട്ടുകൊമ്പന് ഇറങ്ങിയത്. എസ്റ്റേറ്റ് ലയങ്ങള്ക്കിടയിലൂടെയാണ് കാട്ടുകൊമ്പന് സ്വരൈ്യവിഹാരം നടത്തിയത്. ലാക്കാട് എസ്റ്റേറ്റില് ഇറങ്ങിയ കാട്ടുകൊമ്പന് കഴിഞ്ഞ ദിവസം നാലോളം കടകള് തകര്ത്തിരുന്നു. ജനവാസ മേഖലകളിലൂടെ ചുറ്റിത്തിരിയുന്ന കാട്ടുകൊമ്പന് ആളുകളുടെ സ്വരൈ്യജീവിതം കെടുത്തുകയാണ്.
മുന്കാലങ്ങളില് ശാന്തസ്വഭാവമായിരുന്ന പടയപ്പ ഇപ്പോള് ഇടക്കിടെ ആക്രമണം സ്വഭാവം പുറത്തെടുക്കുന്ന സ്ഥിതിയുണ്ട്.ഇത് തൊഴിലാളി കുടുംബങ്ങളില് ആശങ്ക ഉയര്ത്തുന്നു. ഇത്തവണ മഴക്കാലത്ത് പോലും കാട്ടുകൊമ്പന് കാട് കയറാന് തയ്യാറായില്ല. ഒന്നിലധികം തവണ ജനവാസ മേഖലയില് ഇറങ്ങി വലിയ തോതില് നാശം വരുത്തുകയും ചെയ്തു.
വേനല്ക്കാലമാരംഭിക്കുന്നതോടെ കാട്ടുകൊമ്പന്റെ ശല്യം രൂക്ഷമാകുമോയെന്നും തൊഴിലാളി കുടുംബങ്ങള് ആശങ്കപ്പെടുന്നു.
