അടിമാലി: അഞ്ചാമത് റോള്‍ബോള്‍ സൗത്ത് സോണ്‍ ചാമ്പ്യന്‍ഷിപ്പ് അടിമാലിയില്‍ നടക്കും.ചൗമ്പ്യന്‍ഷിപ്പിന്റെ നടത്തിപ്പുമായി ബന്ധപ്പെട്ട ഒരുക്കങ്ങള്‍ അടിമാലിയില്‍ പുരോഗമിക്കുകയാണ്.ആഗസ്റ്റ് 17, 18 തിയതികളില്‍ അടിമാലി വിശ്വദീപ്തി സ്‌കൂളിലാണ് ചാമ്പ്യന്‍ഷിപ്പ് നടക്കുന്നത്.ചാമ്പ്യന്‍ഷിപ്പിന്റെ വിജയകരമായ നടത്തിപ്പിനുവേണ്ടുന്ന കാര്യങ്ങളില്‍ തീരുമാനം കൈകൊള്ളുന്നതിനായി ചാമ്പ്യന്‍ഷിപ്പിന് ആതിഥേയത്വം വഹിക്കുന്ന വിശ്വദീപ്തി സ്‌കൂളില്‍ യോഗം ചേര്‍ന്നു.
സ്‌കൂള്‍ പ്രിന്‍സിപ്പാള്‍ ഫാ. ഡോ. രാജേഷ് ജോര്‍ജ്ജ് അധ്യക്ഷത വഹിച്ചു.റോള്‍ ബോള്‍ അസോസിയേഷന്‍ ഭാരവാഹികളും ത്രിതല പഞ്ചായത്ത് പ്രതിനിധികളും യോഗത്തില്‍ പങ്കെടുത്തു.
കേരളം കര്‍ണ്ണാടക, ആന്ധ്രാപ്രദേശ്, തമിഴ്‌നാട്, പോണ്ടിച്ചേരി, തെലുങ്കാന, നിക്കോബാര്‍ ഐലന്റ്‌സ് എന്നിവിടങ്ങളില്‍ നിന്നുള്ള കായിക താരങ്ങള്‍ പങ്കെടുക്കും.ചാമ്പ്യന്‍ഷിപ്പ് നടത്തിപ്പിന്റെ ഭാഗമായി സ്‌പോട്‌സ് റാലിയടക്കം സംഘടിപ്പിക്കും.
