എംജി യൂണിവേഴ്സിറ്റി റെസ്ലിങ് ചാമ്പ്യൻഷിപ്പിൽ നെടുങ്കണ്ടം എം. ഇ.എസ് കോളേജ് റണേഴ്സ് അപ്പ്

നെടുങ്കണ്ടം: കോട്ടയം സി.എം.എസ് കോളേജിൽ വച്ച് നടന്ന എം.ജി യൂണിവേഴ്സിറ്റി റെസ്ലിങ് ചാമ്പ്യൻഷിപ്പിൽ പുരുഷ വിഭാഗത്തിൽ ഓവറോൾ രണ്ടാം സ്ഥാനവും വനിതാ വിഭാഗത്തിൽ മൂന്നാം സ്ഥാനവും കരസ്ഥമാക്കി നെടുങ്കണ്ടം എം.ഇ.എസ് കോളേജ്.

61 കിലോഗ്രാം വിഭാഗത്തിൽ എം.ഇ.എസ് കോളേജിലെ രാഹുലും 65 കിലോ വിഭാഗത്തിൽ പ്രമോദും 92 കിലോ വിഭാഗത്തിൽ അബിൻ ദേവും 50 കിലോ വിഭാഗത്തിൽ അഭിരാമിയും ഗോൾഡ് മെഡൽ കരസ്ഥമാക്കി.

57 കിലോ വിഭാഗത്തിൽ പ്രവീണും 70 കിലോ വിഭാഗത്തിൽ അഭിമന്യുവും 79 കിലോ വിഭാഗത്തിൽ സുജിത്തും 68 കിലോ വിഭാഗത്തിൽ വൈശാഖിയും സിൽവർ മെഡൽ നേടിയെടുത്തു. 97 കിലോ വിഭാഗത്തിൽ ലൗജിത്ത് ബ്രോൺസ് മെഡൽ കരസ്ഥമാക്കി മിഥുൻ (74 കിലോ വിഭാഗം), ഭവിത്ര (53 കിലോ വിഭാഗം) എന്നിവരും മത്സരത്തിൽ പങ്കെടുത്തു.