അടിമാലി: ബൈസണ്‍വാലി നാല്‍പതേക്കറിന് സമീപമുണ്ടായ വാഹനാപകടത്തില്‍ പരിക്കേറ്റ് ചികിത്സയില്‍ കഴിഞ്ഞിരുന്ന യുവാവ് മരിച്ചു.മുല്ലക്കാനം പുത്തന്‍പുരക്കല്‍ ജസ്റ്റോ ജോസഫാണ് മരിച്ചത്.മൂന്ന് ദിവസങ്ങള്‍ക്ക് മുമ്പായിരുന്നു ബൈസണ്‍വാലി നാല്‍പതേക്കറിന് സമീപം വാഹനാപകടം സംഭവിച്ചത്.നിയന്ത്രണം നഷ്ടപ്പെട്ട കാര്‍ ക്രാഷ് ബാരിയറില്‍ ഇടിക്കുകയായിരുന്നു.
അപകടത്തില്‍ കാര്‍ ഓടിച്ചിരുന്ന മുല്ലക്കാനം സ്വദേശി പുത്തന്‍പുരയ്ക്കല്‍ ജസ്റ്റോ ജോസഫിനെ ഗുരുതര പരിക്കുകളോടെ എറണാകുളത്തെ സ്വകാര്യ മെഡിക്കല്‍ കോളജില്‍ പ്രവേശിപ്പിച്ചിരുന്നു. ചികിത്സയിലിരിക്കെയാണ് യുവാവ് മരണപ്പെട്ടത്.
കഴിഞ്ഞ തിങ്കളാഴ്്ച്ച വൈകുന്നേരം ആറിനായിരുന്നു അപകടമുണ്ടായത്. നാല്‍പതേക്കറില്‍ നിന്ന് ജോസ്ഗിരി ഭാഗത്തേക്ക് വരികയായിരുന്ന കാര്‍ നിയന്ത്രണം നഷ്ടപ്പെട്ട് ക്രാഷ് ബാരിയറില്‍ ഇടിക്കുകയായിരുന്നു. ഇയാള്‍ക്കൊപ്പം കാറില്‍ ഉണ്ടായിരുന്ന മറ്റ് മൂന്ന് പേര്‍ക്കും പരിക്ക് സംഭവിച്ചിരുന്നു.
