വനംവകുപ്പിന്റെ നേതൃത്വത്തില്‍ മൂന്നാര്‍ പഞ്ചായത്തില്‍ ഹെല്‍പ് ഡെസ്‌ക് പ്രവര്‍ത്തനമാരംഭിച്ചു
മൂന്നാര്‍: മനുഷ്യ വന്യജീവി സംഘര്‍ഷം കുറക്കുവാനുള്ള പ്രവര്‍ത്തനങ്ങളുടെ ഭാഗമായി വനംവകുപ്പിന്റെ നേതൃത്വത്തില്‍ മൂന്നാര്‍ പഞ്ചായത്തില്‍ ഹെല്‍പ് ഡെസ്‌ക് പ്രവര്‍ത്തനമാരംഭിച്ചു. മൂന്നാറിലും പരിസരപ്രദേശങ്ങളിലും ദിവസവും വന്യജീവി ശല്യം വര്‍ധിച്ച് വരുന്ന സ്ഥിതിയുണ്ട്. കാട്ടാനയും കാട്ടുപന്നിയും പുലിയുമെല്ലാം കാടിറങ്ങുന്നതാണ് പ്രതിസന്ധിയാകുന്നത്. മൂന്നാര്‍ മേഖലയില്‍ മനുഷ്യ വന്യജീവി സംഘര്‍ഷം കുറക്കുവാനുള്ള പ്രവര്‍ത്തനങ്ങളുടെ ഭാഗമായിട്ടാണ് വനംവകുപ്പിന്റെ നേതൃത്വത്തില്‍ മൂന്നാര്‍ പഞ്ചായത്തില്‍ ഹെല്‍പ് ഡെസ്‌ക് പ്രവര്‍ത്തനമാരംഭിച്ചിട്ടുള്ളത്.
പഞ്ചായത്തില്‍ നടന്ന ചടങ്ങില്‍ ഡിഎഫ്ഒ സാജു വര്‍ഗീസ് ഹെല്‍പ് ഡെസ്‌ക് ഉദ്ഘാടനം ചെയ്തു.ഹെല്‍പ് ഡസ്‌കിന്റെ ഭാഗമായി പൊതുജനങ്ങള്‍ക്ക് വന്യ ജീവി ശല്യം സംബന്ധിച്ച് പരാതികളും അഭിപ്രായങ്ങളും അധികൃതരെ അറിയിക്കുന്നതിനായി പരാതിപ്പെട്ടികളും സ്ഥാപിച്ചു.മൂന്നാര്‍, ദേവികുളം പഞ്ചായത്ത് ഓഫിസുകള്‍, വനംവകുപ്പിന്റെ റേഞ്ച് ഓഫിസുകള്‍ എന്നി വിടങ്ങളിലാണ് പരാതിപ്പെട്ടികള്‍ സ്ഥാപിച്ചിട്ടുള്ളത്.
ഹെല്‍പ് ഡെസ്‌ക്കിന്റെ ഉദ്ഘാടന ചടങ്ങില്‍ വൈല്‍ഡ് ലൈഫ് വാര്‍ഡന്‍ കെ.വി.ഹരികൃഷ്ണന്‍, റെയ്‌ഞ്ചോഫീസര്‍മാരായ എസ്.ബിജു, നിതിന്‍ ലാല്‍, അജികുമാര്‍, പഞ്ചായത്ത് വൈസ് പ്രസിഡന്റ് മാര്‍ഷ് പീറ്റര്‍ തുടങ്ങിയവര്‍ സംസാരിച്ചു.
