അടിമാലി: അടിമാലിയില് പഞ്ചായത്ത് വികസന സദസ്സ് നടന്നു.സംസ്ഥാന സര്ക്കാരിന്റെ കഴിഞ്ഞ 5 വര്ഷത്തെ വികസന പ്രവര്ത്തനങ്ങള് ജനങ്ങളുടെ മുമ്പില് അവതരിപ്പിക്കുന്നതിനും പഞ്ചായത്ത് കഴിഞ്ഞ 5 വര്ഷക്കാലം കൊണ്ട് ആര്ജ്ജിച്ച നേട്ടങ്ങള് ജനങ്ങളെ അറിയിക്കുന്നതിനും ലക്ഷ്യമിട്ടായിരുന്നു അടിമാലിയിലും പഞ്ചായത്ത് വികസന സദസ്സ് സംഘടിപ്പിച്ചത്. ഗ്രാമപഞ്ചായത്ത് ഹാളില് നടന്ന വികസനസദസ്സിന്റെ ഉദ്ഘാടനം അഡ്വ. എ രാജ എം എല് എ നിര്വ്വഹിച്ചു.
അടിമാലി ഗ്രാമപഞ്ചായത്ത് ആരോഗ്യ വിദ്യാഭ്യാസ സ്റ്റാന്ഡിംഗ് കമ്മിറ്റി ചെയര്മാന് സി ഡി ഷാജി അധ്യക്ഷത വഹിച്ചു. സംഘാടക സമിതി രക്ഷാധികാരി റ്റി കെ ഷാജി മുഖ്യപ്രഭാഷണം നടത്തി. പഞ്ചായത്ത് സെക്രട്ടറി ആര് നന്ദകുമാര് പഞ്ചായത്തിന്റെ വികസന, പ്രോഗസ് റിപ്പോര്ട്ട് അവതരിപ്പിച്ചു. അടിമാലി ബ്ലോക്ക് പഞ്ചായത്തംഗം കോയ അമ്പാട്ട്, ഗ്രാമപഞ്ചായത്തംഗങ്ങള്, വിവിധ രാഷ്ട്രീയ പാര്ട്ടി പ്രതിനിധികള്, ഉദ്യോഗസ്ഥ പ്രതിനിധികള് തുടങ്ങിയവര് പങ്കെടുത്തു.
