അടിമാലി: ഇരുമ്പുപാലം ചാരിറ്റബിള്‍ സൊസൈറ്റിയുടെ ഔപചാരിക ഉദ്ഘാടനം ഈ മാസം 14ന് നടക്കുമെന്ന് ചാരിറ്റബിള്‍ സൊസൈറ്റി ഭാരവാഹികള്‍ അടിമാലിയില്‍ വാര്‍ത്താ സമ്മേളനത്തില്‍ അറിയിച്ചു. എം പി അഡ്വ. ഡീന്‍ കുര്യാക്കോസ് ചാരിറ്റബിള്‍ സൊസൈറ്റിയുടെ ഉദ്ഘാടനം നിര്‍വ്വഹിക്കും.അഡ്വ. എ രാജ എം എല്‍ എ ചടങ്ങില്‍ മുഖ്യാതിഥിയാകും. ഇരുമ്പുപാലത്തും പരിസരപ്രദേശങ്ങളിലും ചികിത്സക്കായി സാമ്പത്തിക പ്രയാസം നേരിടുന്നയാളുകള്‍ക്ക് കൈതാങ്ങാകുകയെന്ന ലക്ഷ്യത്തോടെയാണ് ഇരുമ്പുപാലം ചാരിറ്റബിള്‍ സൊസൈറ്റിക്ക് രൂപം നല്‍കിയിരുന്നത്. പ്രദേശത്തെ സാമൂഹിക, സാംസ്‌ക്കാരിക, രാഷ്ട്രീയ രംഗത്തെ ആളുകളെ ഒത്തിണക്കി ഒരു വര്‍ഷം മുമ്പ് ചാരിറ്റബിള്‍ സൊസൈറ്റി രജിസ്റ്റര്‍ ചെയ്ത് പ്രവര്‍ത്തനമാരംഭിച്ചിരുന്നു. ഈ സൊസൈറ്റിയുടെ ഔപചാരിക ഉദ്ഘാടനം ഈ മാസം 14ന് നടക്കുമെന്ന് ചാരിറ്റബിള്‍ സൊസൈറ്റി ഭാരവാഹികള്‍ അറിയിച്ചു. പ്രദേശത്തെ സാമൂഹിക, സാംസ്‌ക്കാരിക, രാഷ്ട്രീയ രംഗത്തെ ആളുകള്‍ ചടങ്ങില്‍ സംബന്ധിക്കും. ഇതിനോടകം ചികിത്സക്ക് സാമ്പത്തിക പ്രയാസം നേരിടുന്ന ഒരു പറ്റം ആളുകള്‍ക്ക് താങ്ങാകാന്‍ സൊസൈറ്റിക്ക് കഴിഞ്ഞിട്ടുണ്ടെന്നും സൊസൈറ്റി പ്രസിഡന്റ് ബേബി അഞ്ചേരി, സെക്രട്ടറി പി പി സാബു, എം ബി സൈനുദ്ദീന്‍, പി എം ലത്തീഫ്, ബാബു കീച്ചേരി എന്നിവര്‍ വാര്‍ത്താ സമ്മേളനത്തില്‍ അറിയിച്ചു.
