രാജകുമാരി: ഇടുക്കി പന്നിയാർ എസ്റ്റേറ്റിലെ റേഷൻകട വീണ്ടും കാട്ടാന തകർത്തു. പുലർച്ചെ മൂന്ന് മണിയോടെയാണ് റേഷൻകട തകർത്തത്. ഫെൻസിംഗ്‌ സ്ഥാപിച്ചു നവീകരിച്ച കെട്ടിടമാണ് ആന തകർത്തത്. രണ്ട് ചാക്ക് അരിയും ഭക്ഷിച്ചു. പതിമൂന്നാം തവണയാണ് റേഷൻകട തകർക്കപ്പെടുന്നത്. സമീപത്ത് ഉണ്ടായിരുന്ന കൊടിമരം ഫെൻസിംഗ്‌ വേലിയിലേക്ക് മറിച്ചിട്ട് വേലി തകർത്താണ് അകത്ത് കയറിയത്.
കെട്ടിടത്തിന്റെ ഭിത്തി ഇടിച്ചാണ് ഭക്ഷ്യധാന്യങ്ങൾ എടുത്തത്. ചക്കകൊമ്പൻ ആണ് കട തകർത്തത് എന്ന് പ്രദേശവാസികൾ പറയുന്നു. വനം വകുപ്പ് ഉദ്യോഹസ്ഥർ സ്ഥലത്ത് എത്തി പരിശോധന നടത്തി.
