സാന്ത്വനം പാലിയേറ്റീവ് കെയര് സൊസൈറ്റി ദേവികുളം മണ്ഡലം ഓഫീസ് അടിമാലിയില് തുറന്നു
അടിമാലി: സാന്ത്വനം പാലിയേറ്റീവ് കെയര് സൊസൈറ്റി ദേവികുളം മണ്ഡലം ഓഫീസ് അടിമാലിയില് തുറന്നു. പാലിയേറ്റീവ് രോഗി പരിചരണത്ത് രംഗത്ത് ഏറെ നാളുകളായി പ്രവര്ത്തിക്കുന്നതാണ് സാന്ത്വനം പാലിയേറ്റീവ് കെയര് സൊസൈറ്റി. സൊസൈറ്റിയുടെ ദേവികുളം മണ്ഡലം ഓഫീസാണ് അടിമാലിയില് തുറന്നിട്ടുള്ളത്. ദേവികുളം താലൂക്കിന്റെ വിവിധ മേഖലകളില് ഉള്ള പാലിയേറ്റീവ് രോഗികള്ക്ക് കൈത്താങ്ങാവുകയെന്ന ലക്ഷ്യത്തോടെയാണ് ഓഫീസ് തുറന്നിട്ടുള്ളത്.
സാന്ത്വനം പാലിയേറ്റീവ് ജില്ലാ ചെയര്മാന് സി വി വര്ഗീസ് ഓഫീസിന്റെ ഉദ്ഘാടനം നിര്വ്വഹിച്ചു. ചടങ്ങില് ദേവികുളം മണ്ഡലം ചെയര്മാന് കെ കെ വിജയന് അധ്യക്ഷനായി. ടി കെ ഷാജി, ആര് ഈശ്വരന് , ചാണ്ടി പി അലക്സാണ്ടര് , കണ്വീനര് വി ജി പ്രതീഷ് കുമാര്, മാത്യു ഫിലിപ്പ് എന്നിവര് സംസാരിച്ചു. കാര്ഷിക വികസന ബാങ്കിന്റെ താഴത്തെ നിലയിലാണ് ഓഫീസ് പ്രവര്ത്തിക്കുക
