അടിമാലി: ചിന്നക്കനാലില്‍ ഗുണ്ടാ ആക്രമണം ഉണ്ടായതായി പരാതി. കഴിഞ്ഞ രാത്രി 8 മണിയോടെയാണ് തൊടുപുഴ സ്വദേശിയും സുഹൃത്തുക്കളും സഞ്ചരിച്ചിരുന്ന പുതിയ മഹേന്ദ്ര താര്‍ വാഹനം തല്ലി തകര്‍ത്ത് ആക്രമിച്ചത്. മദ്യലഹരിയില്‍ ആയിരുന്ന പ്രാദേശിക ഗുണ്ടാ സംഘമാണ് ഇന്നോവ കാറില്‍ എത്തി ആക്രമിച്ചതെന്നാണ് പരാതി.
അക്രമിസംഘം പുതിയ വാഹനം തല്ലി തകര്‍ക്കുകയും വാഹനത്തില്‍ ഉണ്ടായിരുന്നവരെ മര്‍ദിക്കുകയും ചെയ്തുവെന്നാണ് പരാതി. മര്‍ദ്ദനത്തില്‍ പരിക്കേറ്റ തൊടുപുഴ സ്വദേശിയും സുഹൃത്തുക്കളും ആശുപത്രിയില്‍ ചികിത്സ തേടി. ഇവരുടെ പരാതിയില്‍ ശാന്തന്‍പാറ പോലീസ് കേസ് എടുത്ത് അന്വേഷണം ആരംഭിച്ചു.
