അംഗന്‍വാടി കെട്ടിടത്തിന് മുകളില്‍ നിന്നും കാല്‍തെറ്റി വീണ് നാല് വയസ്സുകാരിക്ക് പരിക്ക്
അടിമാലി: അംഗന്‍വാടി കെട്ടിടത്തിന് മുകളില്‍ നിന്നും കാല്‍തെറ്റി വീണ് നാല് വയസ്സുകാരിക്ക് പരിക്ക്.അടിമാലി കല്ലാറില്‍ പ്രവര്‍ത്തിക്കുന്ന അംഗന്‍വാടിയിലാണ് സംഭവം നടന്നത്.കൊച്ചി ധനുഷ്‌ക്കോടി ദേശിയപാതയോരത്ത് കല്ലാറിലാണ് അപകടമുണ്ടായ അംഗന്‍വാടി പ്രവര്‍ത്തിക്കുന്നത്.ആകെ മൂന്ന് നിലകളാണ് അംഗന്‍വാടി പ്രവര്‍ത്തിക്കുന്ന ഈ കെട്ടിടത്തിനുള്ളത്.
ഏറ്റവും താഴത്തെ നിലയില്‍ അംഗന്‍വാടിയുടെ അടുക്കളയും മറ്റും സജ്ജീകരിച്ചിരിക്കുന്നു.രണ്ടാം നിലയില്‍ സര്‍ക്കാര്‍ ആയുര്‍വ്വേദ ഡിസ്‌പെന്‍സറി പ്രവര്‍ത്തിക്കുന്നു. മൂന്നാംനിലയിലാണ് കുട്ടികളുടെ പഠനം നടക്കുന്നത്. ഇന്നലെ ഉച്ചക്ക് കുട്ടികളെ താഴത്തെ നിലയിലെത്തിച്ച് ഭക്ഷണം നല്‍കിയ ശേഷം തിരികെ മുകള്‍ നിലയില്‍ എത്തിയപ്പോഴായിരുന്നു നാല് വയസ്സുകാരി കാല്‍ വഴുതി മുറ്റത്തേക്ക് വീണത്.
ആന്‍ോ അനീഷ ദമ്പതികളുടെ മകള്‍ മെറീനക്കാണ് പരിക്ക് സംഭവിച്ചത്.തലക്ക് പരിക്ക് സംഭവിച്ച മെറീന കോട്ടയം മെഡിക്കല്‍ കോളേജില്‍ ചികിത്സയിലാണ്.കുട്ടിയെ രക്ഷിക്കാനുള്ള ശ്രമത്തിനിടയില്‍ അംഗന്‍വാടി അധ്യാപികക്കും വീണ് പരിക്ക് സംഭവിച്ചു.കാലിന് പരിക്കേറ്റ അധ്യാപിക അടിമാലി താലൂക്കാശുപത്രിയില്‍ ചികിത്സയിലാണ്.
